Skip to main content

Angalasunik misissuineq pingaaruteqarluinnarpoq 

Nunarsuarmi nunat corona-virusip ukiaru aappassaaneerluni siaruaateqqilernissaanut piareersarnissaannik FN-ip peqqinnissaq pillugu suliniaqatigiiffissuata WHO-p kaammattorpai. Kalaallit Nunaanni maanna angallattunik misissuisarneq nappaatip nunatsinnut anngutsaaliornissaanut pingaaruteqarluinnartoq, immikkut ilisimasalik naliliivoq 

Aasaanerani sulinngiffeqarnissaq sioqqullugu Folketingip naggataarutaasumik oqallinnerani ministeriunerup Mette Frederiksenip Savalimmiuni Kalaallillu Nunatsinni suliniarneq tamakkiisumik nersualaarlugu oqaatigaa. 

– Coronap ajornartorsiortitsineranut iliuusissasi nassaaraasi. Inuiaqatigiiaqqat nukingat takutipparsi, taanna oqarpoq. 

Kalaallit Nunaanili coronap aappassaaneerluni siaruaateqqilersinnaaneranut peqqinnissamut oqartussaasut qanoq piareersarumaarnerat apeqqutaavoq. Tamanna pillugu nappaatinut tunillaassuuttunut pinaveersaartitsinermullu nakorsaaneq Anders Koch aviisimit Sermitsiamit aperineqarpoq. Taanna piffissap ilaani Københavnimi Statens Serum Institutimi Rigshospitalimilu kiisalu nunatta peqqinnissaqarfiani sulisarpoq, covid-19-lu pillugu piareersaasiornernut suleqataavoq.

– Kalaallit Nunaanni maanna nappaatip ingalassimatinnera aallunneqarpoq. Tassa nappaat nunatsinnut anngutsaaliorneqarpoq. Suliarlumi tamanna ingerlalluarpoq. Marsimili Kalaallit Nunaannukartussat tamakkerlugit misissorneqartarput, taamatullu aamma piffissami sivitsulersumi tikinnerannit ullut tallimat qaangiunnerani misissoqqinneqartarput. Misissorneqartullu ilaat nappaateqartutut paasineqartarput, amerlanerit Danmarkimi ataasiakkaallu nunatsinni, Anders Koch oqarpoq.

Allaaserineqartoq aviisimi Sermitsiami atuaruk. Aviisi uani pisiarineqarsinnaavoq: 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER