Skip to main content

Angalanermit nalunaarusiaq: Innarluutillit qaangiinnarneqartartut

Innuttaasorpassuit innarluutillit amerlavallaat kommunini ingerlatseriaatsinut akersuunnerminni kisimiittutut kiserliortutullu misigisimasarput. Innarluutillit illersuisuata Kommuni Kujallermi angalanerminit nalunaarusiaani tamanut saqqummiuteqqammisaani inerniuliussat tamanna ilagaat.

Innarluutillit illersuisuat Christina Johnsen aggustusip qaammataani Kommuni Kujallermiippoq, angalanerminilu 90-inik suppernilimmik nalunaarusiiorpoq, arlalitsigut atuarlugu nuannerpallaanngitsumik.

- Ajoraluartumik takusarparput, inuppassuit unammilligassaminnik aalajangiisartunut anngussiniarnerminni kisimiittutut kiserliortutullu misigisartut. Innuttaasorpassuit ikiortissarsiorlutik ikorfartortissarsiorlutillu saaffiginnikkaagamik kommunini ingerlatseriaatsinut matoqqasutut paasiassaanngitsutullu misinnartunut akiuuttutut misigisaqartartut naapittuaannarpavut. Aamma innarluutilinnik sullissinissamut ilisimasalittut sulisut suliaqarfimminni sipaarniartoqarnera suliatigut aalajangiisinnaassutsimullu ajornerusumik kinguneqartalersoq misigisimavaat kiisalu sulisunik ilinniarsimanngitsunik sulisoqaannarniarnermut unamillernartoqarnera misigisimallugue, Christina Johnsen oqarpoq. 

Unammilligassaqarnerulerneq

Tusagassiorfinnut nalunaaruteqarnermi aamma erseqqissaassutigineqarpoq, innarluutillit pillugit isumaqatigiissummi immikkoortunik arlalinnik Kommuni Kujalleq malinninniarnermini unammilligassaqartoq, ilaatigut pissarsiarineqarsinnaannginnermut, ikorfartorteqannginnermut sulisussaqannginnermullu aamma suliassaqartitsinermut peqataatitsinermullu tunngassuteqartut eqqarsaatigalugit. 

– Ajoraluartumik takusarparput, pisinnaatitaaffinnut inatsimmullu tunngatillugit ilisimasaqanngittorpassuaqartoq, aamma inuppassuit inuiaqatigiinni atugartuuni atorneqartussaanngikkaluartunik naammaginniliinnarsimasut, Christina Johnsen, innarluutilinnik sullissinissamut piumassusilinnik, aaqqissuussaassutsimili pissutsinit aporfilersorneqartartunik inoqarnerarlugu erseqqissaasoq oqarpoq.

Inassuteqatit 27-t

Innarluutillit illersuisua Ilisimasaqarfik pilersinneqarmalli angalanermit aatsaat nalunaarusiorpoq. Christina Johnsenip nalunaarusiaq sila pissutigalugulu nammineerluni kommunimut tunniussinnaasimanngilaa. Nalunaarusiami pissutsit allaaserineqartut, kommunini allani atuuttunut assigupput, innarluutillit illersuisuat erseqqissaavoq.

Nalunaarusiap naggataani 27-nik inassuteqaateqarpoq, taakkunannga qulit kommunimut inassuteqaataallutik, sinneruttut 17-it Namminersorlutik Oqartussanut, Naalakkersuisunut Inatsisartunilu politikkerinut kiisalu sulisunut allanut inassuteqaataallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER