Skip to main content

Angalaneq Kongevejimi aallartippoq

Maani Kujataani naapeqqissimavugut

Kommune Kujallermi borgmesterip Jørgen Wæver Johansenip arfininngormat Tunulliarfiup eqqaani Itillimi kunngissakkut tikilluaqqullugit oqalugiarfigai, tamatumalu kingorna Kongevejikkut biilerlutik Igalikumukarput, Igalikup kangerluaniittumut (qanga Ejnars fjord-imik taaneqaretarsimasoq).
Oqalugiarneralu oqaluttuarisaanermik Kujataatalu oqaluttuarisaanikkut pingaaruteqassusianik imaqartorujussuuvoq.
Jørgen Wæver Johansenip Frederik, Mary, Christian, Isabella, kiisalu Ivalu aamma Minik Kujataanut tikilluaqquvai.
– Nunap immikkoortuani maani nunarput Grønlandimik atserneqarpoq. Kangerlukkut matumuuna, (Tunulliarfik - Skovfjorden, qanga aamma Eriks fjordimik taaneqartarsimasoq, aaqqiss.), Erik Aappalaartoq ukiut 1000-t sinnilaarliugit matuma siornatigut ilummukarsimavoq nunassillunilu.
– Aamma kangerlummit matumannga Leifi Iluanaarajooq aallarsimavoq, kalaallinilu europamiunilu siullersaalluni Amerika nassaareqqissimallugu, Jørgen Wæver Johansen oqarpoq.
– Taamanilu imminnut avissaarsimasut (Avanersuarmi, aaqqiss.) - ilaat avannamut kimmukarlutik, ilaallu kangimukarlutik kangimullu kujammukarlutik - maani Kujataani siullerpaamik takoqqissimapput, maanilu Kujataani naapeqqissimapput, borgmesteri oqarpoq nangillunilu: – Taamaattumik maani Kujaataani misigisimavugut oqaluttuarisaanerup ilaani inuulluta, taamaattumillu angalaneq oqaluttuarisartalik peqatigiilluta aallartilerparput.
– Angalaneq, aallartittoq Kongevejikkut (naleqqulluartumik) Igalikumukarluni. Igaliku qanga Gardarimik taaneqartarsimasoq Qallunaatsiaat biskoppeqarfigisimavaat. Tassani nunaqarfimmi siulersuisut siulittaasuat inatsisartunullu siulittaasuusimasoq Josef Motzfeldt tikilluaqqusissapput, tamannalu pillugu annertunerujussuarmik oqaluttuassaqarput, Jørgen Wæver Johansen tikilluaqqusilluni oqalugiarnermini oqarpoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER