Skip to main content

Angajup suna tamarmi nalunngilaa

Nalunngiliuk qatanngutigiinni arnani angajulliup sooq nukkami nukatsitaaneranik eqqarsartarnera tunngavissaqarluartoq? Aamma assersuutigalugu qatanngutigiinni arnat ilaqutariit tamarmiusut misigissutsinik eqqartuisinnaanerulersittaraat. Arnanut normu nutaami arnat qatanngutigiit sammineqarput

Arnanut atuagassiap qatanngutigiiaat pingasut oqaloqatigai, tassanilu apeqqutit assigiit apeqqutigineqarput. Apersuinerit arnani qatanngutigiinni angajulliup aamma nukarliup assigiinngissusaannik soqutiginartumik takussutissaqartitsipput:

Apeqqut: Qatanngutima uanga pillunga ilisimanngisai tassaapput...

Anguju Pipaluk Thomsen: Sakkortorpasikkaluarlunga inuusunga misikkarissorujussuaq... 

Nuka Effie Thomsen: Isumassuerpalaartumik asannittuunerma tunuani arnaasunga sakkortooq. 

Apeqqut: Qatanngutivit ilaqutariinni inissisimaffia qanoq ittuua?

Angaju Manumina Lund Jensen: Mikigallarama akisussaaffigilaartarpara, naak taamaaliornissamut peqquneqarsimanngikkaluarlunga. Paarinngisaannangajappara, kisiannili angajutut nukkannut akisussaaffimmik misigisimasaqartarnera eqqaamavara. 

Nuka Natuk Lund Olsen: Angajora angajuuvoq angajuulluartoq. Illersortuaannartarsimavaanga. Taamaattumik eqqunngitsumik pineqarsorigaangaminga taamaaliortut ilisimatinneqartarput... suli ullumikkut aamma.

Apeqqut: Qatanngutiga peqatigalugu eqqaamasama ajornerpaartaat tassaavoq....

Marluliaq Stella Davidsen Olsen: Qatanngutigalugu eqqaamasamik nuanniitsumik eqqaasaqarsinnaanngilanga.

Marluliaq Francisca Davidsen Olsen: Qimussimik angalanerput, isikkut tilluusarnermik kinguneqartoq. 

Apersuinerit tamaasa Arnanut nutaami saqqummertumi atuakkit, tassani aamma misilittarsinnaavat angajuunerit, akulliunerit imaluunniit nukarliunerit ilisarnartuunersoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER