Angajoqqaat erninermut atatillugu sulinngiffeqartarnerat sapaatip akunnerinik sisamanik sivitsorneqassasoq

Angajoqqaat erninermut atatillugu sulinngiffeqartarnerisa sivitsorneqarneratigut Ved at forlænge forældreorloven skaber man ”meeqqap inuunermini pitsaasumik toqqissisimasumillu aallartinnissaanut pitsaanerusumik tunngaviliissaagut, tamannalu meeqqap kingusinnerusukkut ineriartornissaanut pingaarutilipilussuuvoq, Ilaqutariinnermut Ataatsimiititaliaq erseqqissaavoq.

Angajoqqaat qitornavissiartaartulluunniit meerartaaraangamik inatsisissatut siunnersuut naapertorlugu sapaatip akunnerini 21-ni sulinngiffeqarsinnaalissapput. Angajoqqaat qitornavissiartaartulluunniit marlulisut amerlanerusunilluunniit meerartaartut sapaatip akunnerini 25-ni sulinngiffeqarsinnaapput.

Nalinga

Aningaasaqarnermut Naalakkersuisoqarfimmit naatsorsorneqarsimavoq, angajoqqaat erninermut atatillugu sulinngiffeqartarnerisa sapaatip akunnerinik sisamanik sivitsorneqarnerat ukiumut 7,8 millioner koruuninik naleqartassasoq. 2016-imi 12,3 millioner koruuninik aningaasartuuteqartoqartassasoq nalilerneqarsimagaluarpoq .

Isumaliutissiissummi takuneqarsinnaavoq, Naalakkersuisut 2020-mi Upernaakkut katersuunnermi angajoqqaat erninermut atatillugu sulinngiffeqartarnerannut tunngatillugu inatsisissatut siunnersuut imartunerusoq saqqummiutissallugu pilersaarutigigaat. Naalakkersuisulli qanoq eqqarsaateqarnersut isumaliutissiissummi ilanngunneqarsimanngillat.

Oqaatigineqarporli, angajoqqaat erninermut atatillugu sulinngiffeqartarnerisa sivitsorneqarnerat ukiortaamiit atuutsinneqalernissaa iluaqutitaqarsinnaasoq, tassa ”inatsisissatut siunnersuutip saqqummiunneqartussap (immaqalu) akuerineqartussap tiguneqarnissaat tungaanut”