finanslov 2018
Angajoqqaarsiat pisartagaat 900 kr-nik qaffanneqassapput
Angajoqqaarsiaasartut pisartagaat ukiuni qulini siullermeerluni qaffanneqassaaq.
Ajunngitsorsiarineqartartut 4.123 koruuniniit 5.028 koruniimut qaffanneqassapput. Tamannalu tunngavigalugu kommuninut aningaasaliissutaasartut 2 millioni kr-nut qaffanneqarnissaat inatsisartut siunnersuutigaat.
- Nunatsinni angajoqqaarsiaasartut atugarissaanerulernissaat siunertaralugu naalakakkersuisut qaffaanissaq siunnersuutigaat, taamatullu nerisassarsinermi atisassarsinermi aammalu meqqaat kaasarfimmiussaannut qaffaasoqassasoq 1.januar 2018-miit atuutilertussami aningaasaqarnermut inatsisissami allaqqavoq.
Naalakkersuisut naatsorsuutigaat qaffaanikkut meeqqat amerlanerusut angajoqqaarsiaqartalernissaat.
- Kommuninut tapimi qaffaanikkut kommunit angajoqqaarsianut aningaasartuutissaralui matussusissavaat. Aningaasaqarnermut inatsisissami atuarneqarsinnaavoq.
Ukiup tullianiit angajoqqaarsiat ajunngitsorsiaanut allannguineq pisinnaavoq, maannakkut suliarineqarpoq allannguisoqassasoq. Inatsisiliami takuneqarsinnaavoq.
- Naalakkersuisut angajoqqaarsiaasartunut suliaat maannakut suliarineqarpoq, 2019-nillu ingerlanerani atuutilernissaa naatsorsuutigineqarluni. Tamanna tunngavigalu angajoqqaarsianut suleriusissaq angajoqqaarsiat ajunngitsorsiarisartagaasa angajoqqaarsianut piumasaqaatit tunngavigineqartalernissaat siunertarineqartoq isumaqatigiissumi takuneqarsinnaavoq.
Tamutuma saniatigut suliniummi aamma siunertaavoq angajoqqaarsiat pikkorisartuarneqarnissaat.