angajoqqaarsiat

Angajoqqaarsiat akissarsiaat qaffangaatsiarneqartut

Angajoqqaarsiat paarsinersiutitik qaffaavigineqarnissaat qilanaarisinnaavaat.

Plejefamilier får et stort lønløft næste år.

Ilaqutariinnermut Peqqissutsimullu ataatsimiititaliaq angajoqqaarsiat nerisaqarnermut kaasarfimmiussanut- atisarsiutissanullu akissarsiaat qaffaavigissallugit piareeqqasoq, isumaliuutissiissummi erserpoq.

Akissarsiaat marloriaatinngortut

Inaarutaasumik inatsit Inatsisartut ukiaanerani ataatsimiinnerani aattsaa akuerineqassaaq, taamaattoq isumaliuutissuussummi angajoqqaarsiat akissarsiaasa qaffanneqarniarnerat neriorsuutigineqareerpoq.

Nalinginnaasumik paarsinersiutit 1. juli 2008-ili alIanngortinneqarsimanngillat, qaammammulli 4.123 koruuninik akissarsitinneqartarlutik. Paarsinersiutillu qaammaammut marloriaatingajaanik tassa qaammammut 8.000 koruuninik qaffaavigineqassasut, isumaliuutissuussummi erserpoq.

Aningaasartuutit allat

Aningaasartuutit allat allanngortinniarneqanngillat. Ulllumikkut nerisassarsiniutissat qaammammut 1.000 koruuniupput aammalu kaasarfimmiussat aamma atisassarsiniutissat meeqqanut inuusuttunullu 16-t inorlugit ukiulinnut ullormut 36 kr.-iulluni inuusuttunullu 16- 18 ukiulinnut ullormut 42 kr.-iulluni.

Siunissami paarsinersiutit akiliutigineqartartullu allat iluarsiivigineqamissaanni akileraartamermi malittarisassat isumaginninnermilu tunniuttakkat ataqatiginnerat eqqumaffigineqartariaqarpoq, taamaaliornikkut ataqatigiinnikkut ajornartorsiuteqarnera pissutigalugu ilaqutariit paarsisartut aningasaqarnermik pissuteqartumik meeqqanik paarsinissamut tunuarsimaaqqunagit kajumissuseeruteqqunagilluunniit.

Ulloq 1. januar aamma 1. juli 2018 nalimmassaasoqassasoq

1. januar 2018-mi naliginnaasumik paarsinermusiat qaammammut 8.000 koruuninut qaffanneqassapput. Nerisassarsiniutissanut- kaasarfimmiussanut aammalu atisassarsiniutissanut nalimmassaaneq aatsaat 1. juli 2018-mi pissasoq, isumaliutissuussummi erserpoq, tamanna ataatsimiititaliami ilaasortat tamarmik taperserpaat.

Immikkut pisoqartillugu immikkullu najoqqutassat atukkalIu naapertorlugit paarsinersiutit qaffaavigineqamissaannut aalajangiinissamut ulIumikkutut kommunit periarfissaqartariaqarput, politikkerit isumaqarput.

Milionerpassuarnik nalilik

- Annertunerusumik qaffaanissaminnut kommunit periarfissinneqartariaqarput, taamaaliomikkut tassuuna angajoqqaarsiaasartut piukkunnartut meeqqamik immikkut pisariaqartitsisunik tigusinissaminnut piumassuseqarnerulersinneqarsinnaammata - Meeqqat periarfissamut allamut ulIoq unnuarlu angerlarsimaffimmut inissinneqartillugit, isumaliutissuussummi allassimasoqarpoq.

Tamatumunnga atatillugu inuiaqatigiit qanoq aningaasartuutiginerulernissaat erseqqissumik paasineqarsimanngilaq. Taamaattoq naliginnaasumik paarsinersiutit qaffaavigineqarnissaat 20 mio koruunit missaaniissasoq, isumaliuutissuussummi erserpoq.

Powered by Labrador CMS