paarlaaqatigiinneq
Angajoqqaarsiassanik ujartuisut
Inuusuttunik paarlaasseqatigiillutik tikittunik angajoqqaarsiaasinnaasunik AFS ujartuivoq
Ukioq manna inuusuttut 20-t Kalaallit Nunaanneersut AFS aqqutigalugu paarlaasseqatigiillutik ukiumi ataatsimi nunani allani ilinniarnermut peqataapput.
Illuatungaanilli AFS paarlaasseqatigiilluni ilinniariartumik ataasiinnarmik Nunatsinnut tikisitsisimavoq, peqatigiifiup angajoqqaarsiaajumasunik amigaateqarnera peqqutigalugu.
Soqutiginninneq annertooq
Tamannali AFS iliuuseqarfigisinnaassallugu neriuutigaa.
- Inuusuttut nunarsuarmi tamaneersut amerlanerusut Nunatsinnut tikisittalerusuppagut, kalaallit kulturiannit, avatangiisiannit aamma inuiaqatigiit pillugit ilinniarnissaannik periarfissillugit, kiisalu inuit tikilluaqqusisut Kalaallit Nunaata ilisimaneqassuigisai naapinneqarnissaat, AFS-mi suliniuteqaqataasoq Karoline Sommer erseqqissaavoq, taassumalu aamma oqaatigaa inuusuttut Kalaallit Nunaannukarnissaminnik soqutiginnittorujussuusut.
Taassumalu aamma inuusuttut nunanit allaneersut atuarnermut peqataasarnissaat iluaqutissatut isigaa - taamaalilluni ilinniartitaanermut tunngasunik isumassarsititsissagamik.
Sommer School
AFS-ip sulissutigaa AFS Summer School Kalaallit Nunaanni pilersinneqarnissaa, sapaatip-akunnerini sisamani aasakkut atuarneq, inuusuttut nunani allaneersut Kalaallit Nunaat pillugu ilinniarfigisinnaasaat.
American Field Servicemit AFS naalisagaavoq, sorsunnersuaq siullermi aamma aappani nammineq kajumissuseq aallavigalugu ambulancini sulinermik aallaaveqarluni.
Maanna nunat 50-it sinneqartut inuusuttunut 15-nit 18-illu akornanni ukiulinnut, 18-illu sinnerlugit ukiulinnut ilinniarnissamut aamma ikiuunnissamut neqerooruteqarput. Taassuma assigiinngitsunik oqaaseqaraluarluni kultureqaraluarluni paaseqatigiinnikkut nunarsuarmi eqqisseqatigiinnissaq siunertaraa.