Skip to main content

Angajoqqaanngorlaanut tunniuttakkat tukattoqaqisut

Kommune Kujallermi angajoqqaanngorlaat erninermut atatillugu ullormusiaqartinneqarnerisa misissorneqarnerani pisunit 15-init 12-ni kukkuluttortoqarsimavoq

Angajoqqaanngorlaajuit pisortanillu erninermut atatillugu ullormusiaqartinneqarsimallutit 2015-imilu Kommune Kujallermi najugaqarsimallutit?

Taava misissortariaqarpat aningaaserivimmi kontunnut aningaasat eqqortut ikineqartarsimanersut. Tassami kommunip kukkunersiuisuisa attuumassuteqanngitsut paasisimavaat siorna tunniuttakkatigut tukattoqartoq.

– Pisimasuni taamungaannaq tigullugit misissukkat aalajangersimasumik amerlassusillit misissornerisa takutippaa, misissukkanit 15-init 12-ini tunniussinermi kukkuluttortoqarsimasoq, kukkunersiuisut BDO-meersut isornartorsiuipput.

Kukkunerpassuit

Kukkusumik tunniussisarnernut pingaartumik pissutaavoq erninnginnermi akunnerit suliffiit amerlassusaat, erninermut atatillugu ullormusiassat naatsorsorneqarnerannut tunngaviusut kukkusumik naatsorsorneqarsimanerat, kiisalu piffissap tunniussisarfiup sivisussusiata naatsorsornerlunneqarsimanera.

– Kukkuluttornermut procentit ukiuni siuliini aamma qaffasissimapput. Inassutigineqassaarlu qullersat kukkusumik tunniussisarnerit appartinniarlugit iliuuseqassasut, kukkunersiuisut erseqqissaapput.

Ilaat amerlavallaanik - allallu ikippallaanik tunineqartarsimapput

Sermitsiap Kommune Kujalleq aperaa 2015-imi erninermut atatillugu ullormusianik kukkusumik tunniussisarnerit qanoq isilluni pisinnaasimanersut.

– Pisimasut misissoraanni kukkunerit pisut pisimapput, naatsorsuinermi tunngaviit assigiinngitsut pissutigalugit. Kukkunersiuisut oqaaseqaataasigut takusinnaasattut ataasiakkaat ikippallaanik tunineqartarsimapput allallu amerlavallaanik tunineqartarsimallutik. Tamatumani ullut marlunniit tallimanut amerlassusillit amigaatigineqarput, kukkkusumik naatsorsuinermik kingunilimmik, aningasaqarnermut pisortaq Kim Rosendahl nassuiaavoq.

Uppernarsaatit

Kukkunerit allaffissornikkut pisimapput, tassa qinnuteqartumit akissarsiat allagartaasigut tamakkiisumik uppernarsaatissaqartarsimannginneq imaluunniit tunniussisarnerit aallartinnerisigut/naanerisigut kukkusoqarnerit pissutigalugit.

Siunissami kukkusarnerit pinngitsoorniarlugit kommuni 2015-ip naalernerani allaffissornikkut aaqqissuusseqqissimavoq, tamatumani naatsorsuisartunik pilersitsisoqarsimalluni, siunissami kukkunerit pinngitsoortinniarlugit. Naatsorsugassanillu suliassat tamarmik aamma isumaginninnermut immikkoortoqarfimmut katersorneqarsimapput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER