Skip to main content

Ane Lone Bagger: Filmiliornermut aningaasaliisarpugut

Filmiliornermut aqutsisup Akà Hansenip isornartorsiorneranut kultooreqarnermut naalakkersuisoq qisuariarpoq

Politikerit piorsarsimassutsimut, pingaartumillu filmiliornermut soqutigisaqannginnerujussuat isornartorsiorlugu, filmiliornermik aqutsisunngortoq, Akà Hansen ippassaq saqqummerpoq.

Kisianni qanoq iliuuseqarpugut, Naalakkersuisut akissuteqarput

- Qulequtaq “Aka Hansen: Piorsarsimassuseq politikerinit soqutigineqanngippallaaqaaq” nangillugu Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisup nuannaarutigalugu nalunaarutigissavaa, filmværkstedemik pilersitsinissamut aningaasaliisoqartoq, tusagassiutinut nalunaarummi allassimavoq.

Aningaasanut inatsimmut ukioq mannamoortumut, eqqumiitsuliornermut kultoorimullu tunngasunut 3,5 milliuunit koruuninik immikkoortitsisoqarpoq. Eqqumiitsuliortulli ilungersuutigeqisaannik aningaasat aningaasaqarnermut ataatsimiititaliamit oktobarip 25-ani atorsinnaasunngorlugit ammaanneqarput. Filmværkstedip siunertarissavaa filmiliortartut pitsaanerulernissaminnut aningaasanik qinnuteqarsinnaanissaat.

- Nuannerpoq filmværkstedemik pilersitsinissamut, filminik suliaqartartut ilungersorlutik anguniarnikuusaannut, aningaasaliilluni. Sullivimmit tassanga suliat siunissami takunissaat qilanaaraakka, sulilluarnissaannillu kissaallugit, Ane Lone Bagger (S) tusagassiutinut nalunaarummi issuarneqarpoq.

Tusagassiutinut nalunaarummi aamma atuarneqarsinnaavoq Naalakkersuisut aningaasanik 2,9 milliuunit koruuninik ukioq manna filmiliornermik sulianut 20-nut aningaasaliisimasut, taakkulu saniatigut kultoorip iluani sulianut allanut 2018-imi 7 milliuunit koruuninik aningaasaliisimallutik.

Aká Hansenip ilaatigut isornartorsiorpaa filmilianut toqqaannartumik tapiisarnerit annikippallaartut.

- Kalaallit Nunaanni ukiuni qulini kingullerni filmiliornermik suliaqartarsimaninni aningaasaliissutit amerliartorusaarsimagaluartut, taamaattoq isiginnaagassiamut ataasiinnarmulluunniit suli naammanngillat, Sermitsiaq.AG-mut oqarpoq.

Pipaluk Kreutzmann Jørgensenip filmiliaata ‘Anori’-p, suliarineqarnera 1,4 milliuunit koruuninik akeqarpoq –  erseqqissarneqassaaq filmiliornermi aningaasanik sipaarluinnartoqarsimammat naammattusaaringaatsiarsimammatalu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER