Skip to main content

Ane Lone Bagger: Atuarfinni angusaluttoqaraangat kommunit pillarneqartarnissaat suli aalajangiiffigineqanngitsoq

Atuarfiit angusaluffiugaangata kommunit aningaasaqarnikkut pillarneqartarnissaat pillugu siunnersuut suli aalajangiiffigineqanngilaq, ilinniartitaanermut naalakkersuisoq, Ane Lone Bagger oqarpoq.

Ukiup tullianut aningaasanut inatsisissatut siunnersuut saqqummiunneqarmat, aningaasaqarnermut naalakkersuisoq, Vittus Qujaukitsoq (NQ) oqarpoq atuarfiit angusaluffiugaangata ataatsimoortumik tapiissummiit kommunit ilanngaavigineqartarnissaat isumaliuutigineqartoq.

Ilinniartitsisut kattuffianniit, IMAK-imiit siunnersuut akerlilerneqarpoq.

- Taamatut iliornikkut Kalaallit Nunaanni meeqqat atuarfiat kivinneqarnavianngilaq, akerlianiilli, iluaqutaanngilaq kalaallit nunaanni atuarfeqarfiit kommunit akornanni unammillilissappata. Misissuinerni takussutissaqanngilaq meeqqat atuarfii angusatigut pitsannguuteqassasut taamatut pillarneqarpata, IMAK-ip siulittaasua, Birthe Møller Therkildsen oqarpoq.

Oqallinneq pisarialik

Ilinniartitaanermut, kultureqarnermut ilageeqarnermullu naalakkersuisoq, Ane Lone Bagger (S) akissummini allappoq IMAK-ip oqallinnermi pimoorussinera tikilluaqqullugu.

- Taamaattumillu siullertut pingaarnertullu tikkuarumavara oqallinneq pisariaqarlunilu peqqinnartuummat, - peqatigiillutalu tamanna ingerlatissagipput, - imatut paasillugu akisussaaffiit aningaasaqarnikkullu aaqqissuussinerit meeqqat atuarfiannut attuumassuteqartut pillugit, pisortallumi ingerlataat aamma allat pillugit, taanna oqarpoq.

- Taamaattoq erseqqissarumavara piffissami matumani aalajangertoqarnikuunngimmat, aningaasaqarnikkut kommuninut Naalakkersuisut tungaanniit pineqaatissiissuteqartarnissanik.

- Taamaallaat siunnerfiusoq tassaavoq, qiimmassaatitut aaqqissuussinernik periarfissanik ullumikkut aaqqissuussisimanitsinniit pitsaanerusunik sunniuteqarsinnaasunik pilersitsisoqarsinnaaneranut misissuinissaq, nukittorsarumallugit ineriartortikkumallugillu fagitigut meeqqat atuarfianni angusaasartut.

Ataatsimoortumik tapiissummi ikilisaaneq

Aningaasanut inatsimmittaaq oqaaseq qiimmassaatitut aaqqissuussineq atorneqarpoq, tassa atuarfinni angusarissaartoqaraangat kommunit nersorniarneqartassasut, imaluunniit akerlianik, angusaluttoqaraangat pillarneqartassasut.

Tamanna kiffartuussinermut isumaqatigiissutitigut pisinnaasoq Naalakkersuisut takorloorpaat.

- Tamatuma qanoq pinissaanut misissuinerit pisussat apeqqutaassapput, tunngaviusumilli assersuutigalugu kommunit ataasiakkaat atuarfiini anguneqartut toqqammavigalugit kommuninut ataatsimoortumik tapiissutit annikillineqarsinnaallutilluunniit, EU-p missingersuutinut tapiissutaani meeqqat atuarfiini angusanut nikerartumik tapiissutigisaata annertoqataanik kommuninut ataatsimoortumik tapiissutit annikillisinneqarsinnaapput, tamanna aningaasanut inatsisissatut siunnersuummi allaqqavoq.

Oqallisiginnittoqassasoq neriorsuutigaa

Ane Lone Baggerilli (S) erseqqissarpaa kommunit qanoq isilluni atuarfinni angusaqartitsilluarnissaannut nukittorsaanissat oqallisigineqaqqaassasut.

- Tamatumunngalu atatillugu qiimmassaatitut aaqqissuussinerusartuni assigiinngitsuni misilittakkat pioreersut meeqqat atuarfianni tunngaviusumi qanoq sunniuteqartarneri misissorneqassaaq, taanna oqarpoq.

- Tamatumunngalu ilanngullugu sulianut allanut atatillugu misilittakkat nalunngisagut misissorneqassapput, (tamatumani aamma EU-miit aningaasartuutissanik missingersuusianut tapiissutaasartuni atuuttuusoq). Aalajangernerujumaartullu tigusineqarsinnaajumaartut maanna aaqqissuussinernik allanngortitsinernik kinguneqarsinnaasut, aatsaat tiguneqarumaarlutik susassaqartunik tamanik akuusunik oqalliseqateqareernermi, - tamatumanilu soorunami aamma kommuninik oqaloqateqareernermi.

EU-miit aningaasartuutissanik missingersuusianut tapiissutaasartoq innersuunneqartoq tassaavoq ukinut arfineq-marlunnut ilinniartitaanerup iluani pitsanngorsaanissamut tapiissuta 217,8 millionit Eurot tungaanoortut. Ukiumut 233,8 millionit koruunit tapiissutaasarput. Tapiissutip 20%-ianut ilinniartitaanerup iluani qanoq angusarissaartoqartiginera apeqqutaatinneqarpoq. Periuseq tamanna kommuninik isumaqatiginninniarnermut tunuliaqutaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER