Skip to main content

Ane Lone Bagger: Amerikamiut aningaasaliinissamut misissuipput

Nunanut allanut tunngasunut naalakkersuisoq, Ane Lone Bagger (S) naqissusiivoq amerikamiut manna misissuileruttortut illersornissamut atatillugu aningaasaliinissaminnut tunngatillugu mittarfissatut sanaartorneqalersuni pingasuusuni arlaatigut aningaasaleeqataassanerlutik, maannamulli timitalimmik isumaqatigiissuteqartoqanngilaq.

Amerikamiut illersornissap annertusarneqarnissaanik siunertaqarlutik nunatsinni attaveqaqatigiinnerup nutarsarneqarneranut atatillugu aningaasaleeqataaniarnerat aallaavigalugu aammalu nunatsinnik soqutiginninnerup annertuseqqinnera aallaavigalugu Kalaallit Nunaanni sakkutooqarnikkut annertusaasoqarsinnaanera pillugu Kalaallit Nunaat Danmarkilu pissutsit nutaat pillugit siunnersorneqarlualaavipput, pingaartumik sakkutooqarnikkut pissutsinik misissueqqissaartartunit aammalu ilisimatuunit.

Aviisi Sermitsiaq taama allappoq.

Taamaattorli maanna ukioq ilivitsoq qaangiutereeraluartoq amerikamiut illersornissamut ministeriata tullersortaata John Rood-ip Kalaallit Nunaanni aningaasaleeqataanissaminnik siunnerfeqarnertik nalunaarutigimmaguli manna tikillugu tigussaasumik paasinarsisoqanngilaq siunnerfik taanna qanoq timitalersorneqassanersoq. Tamanna nunanut allanut tunngasunut naalakkersuisup Ane Lone Bagger (S)-ip naqissuserpaa.

Taamaattorli suli tigussaasoqanngikkaluartoq Ane Lone Bagger-ip Sermitsiamut ilisimatitsissutigaa, aningaasaleeqataaniarnertik amerikamiut piffissami matumani misissuleruttoraat:

– Nalunngilarput amerikamiut piffissami matumani misissuileruttortut, tassunga ilanngullugu mittarfissuassat maanna sanaartorneqalersut akuuffigineqassanersut, taamaattorli aamma manna tikillugu siunnerfeqarnermik nalunaarutip piviusunngortinneqarnissaa pillugu pisortatigoortumik suli saaffiginnittoqanngitsoq aamma erseqqissaatigissavara, nunanut allanut tunngasunut naalakkersuisoq, Ane Lone Bagger aviisimut Sermitsiamut oqarpoq, taamaammat aamma taassuma Qaqortumi mittarfissap sakkutuunut nalinginnaasumillu ilaasunut mittarfissualiortoqarsinnaaneranik tusatsiakkat qanoq ilumoortiginersut ilumuunngitsiginersulluunniit maannangaaq isummersorfigerusunnagillu oqaaseqarfigerusunngilai.

Aviisimi Sermitsiami, uani ataani pisiarisinnaasarni, atuarnerusinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER