Ane Lone Bagger USA-p nunanut allanut ministerianik naapitsissasoq

Nunanut allanut ministerip Jeppe Kofod Mike Pompeo ataatsimeeqatigeqqaarpagu nunanut allanut naalakkersuisoq peqataassaaq

Nunanut allanut ministerip Jeppe Kofodip (Soc) USA-mi nunanut allanut ministeri Mike Pompeo pingasunngorpat siullermeerluni pulaassavaa. Nunanut Allanut Naalakkersuisoq Ane Lone Bagger (S) atatsimeeqataassaaq. Sermitsiaq.AG-p tamanna nunanut allanut naalakkersuisoqarfimmit paasisimavaa.

Ataatsimeeqatigiinnissaq pisortatigoortumik suli uppernarsarneqanngilaq.

Danskit nunanut allanut ministeriata taamatut ataatsimeeqateqarneranut aatsaat siullermeerluni Naalakkersuisuni ilaasortamik peqataasoqassaaq.

Tamatumunnga takussutissaavoq Issittup Kalaallillu Nunaata tikeraarnermi oqaluuserisassanut ilaatinneqarnerat.

Pilersaarutaasimagaluarpoq, Mike Pompeop Kalaallit Nunaannut upernaaq tikeraarnissaa, Iranimilu pisut pissutigalugit tikeraarnissaq unitsiinnarneqarsimalluni.

Powered by Labrador CMS