Skip to main content

Ane Hansen: Meeqqat inuusuttullu suliniuteqarfigineqartarnerat nukittorsarneqassaaq

Kommuni Qeqertalimmi borgmesterip Ane Hansenip apriilip arfernani kommunimut qineqqusaarnermi meeqqat inuusuttullu atugaat pitsanngorsaaffiginiarpai. Tamamanna IA sinnerlugu borgmesteriusup salliutillugu qineqqusaarutiginiarpaa.

Ane Hansen borgmesteritut apriilimi kommunimut qinersisoqareerpat atuutinnarusuppoq.

- Soorunami qinersisartut tamanna aalajangingassaraat, taanna Sermitsiaq.AG-mut erseqqissaavoq.

Qineqqusaarnermi pingaarnerutillugit sulissutiginiagai ukuupput:

Meeqqat inuusuttullu suliniutigineqarfigineqartarnerisa pitsanngorsartuarlugulu nukittorsarneqartarnissaa

Inuussutissarsiornerup iluani nutaanik suliniuteqartarnikkut aningaasaqarnerup ataqatigiissumik nukittorsarneqarnissaa

Allaffissornerup annikillisinneqarnissaa innuttaasunillu peqataatitsinerusarnissaq

Ane Hansenip nassuiaatigaa, kommunip aaqqissuussaanera ajornaannerusoq eqaannerusorlu, minnerunngitsumillu innuttaasunik peqataatitsinerusussaq sulissutigalugu tamaviaartoqartoq.

Kinaassuseq

- Taamalu kinaassusitsinnut, kulturitsinnut najugaqariaasitsinnullu naleqqunnerusumut qaninnerulissalluta,borgmesteri borgmesteriunermini akiliisinnaassuseqarlurtoqalersimasoq erseqqissaasoq oqarpoq.

- Innuttaasut peqataatinnerullugit aalajangiisoqartarnissaanik kissaateqarneq naapertorlugu akisussaannik piginnaatitsissutinillu illoqarfinnut nunaqarfinnullu agguaassillaqqittarpugut, IA-mi politikkeri oqarpoq.

Atuuffimmut sunniuteqarfiulluartartumut qinigaaqqiffigerusutaminut qanoq qineqqusaarniarnini isertuukkallarpaa.

Naalakkersuisut nunaqarfiit puigortaraat

Ane Hansenili Naalakkersuisut ukiumi qaangiuttumi tapersersuisarnerannik naliliiniartilluni oqaasissaaleqinngilaq. Isumaqarami Naalakkersuisut illoqarfinnik anginerusunik ukkataqarpallaartut, taamalu ”najugaqarfiit mikinerusut nunaqarfiilu puigortarlugit”.

- Naalakkersuisut assersuutigalugu attaveqaatinut tunngatillugi suliassanik erseqqissumik nalunaaruteqarnissaat kissaatigaa, attaveqaatimmi inuussutissarsiutinik nutaanik aallartitsisinnaanitsinnut pingaaruteqarmata, taanna erseqqissaavoq, nangilllunilu:

- Naalakkersuisut aamma skisussaaffinnik innuttaasunut qaninninngortitsillutik nussuillutik aallartittariaqarput, aamma peqqinnissaqarfik malunnaatilimmik kivinneqartariaqarpoq, Ane Hansen Qasigiannguani erngup nukinganik innaallagissiorfissap suliaralugu aallartinneqarnissaanut qilanaartoq oqarpoq.

Ilaasortat agguataarsimanerat

Kommuni Qeqertalik aqqaneq-marlunnik kommunalbestyrelsimi ilaasortaatitaqarpoq, taakunannga IA arfineq-marlunnik ilaasortaatitaqarluni amerlanerussuteqarluarput:

Inuit Ataqatigiit:

Ane Hansen

Hans Aronsen

Aqqa Samuelsen

Niels Kristensen

Peter Olsen

Thomas Petersen

Bia A. Broberg

Atassut:

Aja Kristensen

Siumut:

Otto Jeremiassen

Ole L. Frederiksen

Enok Sandgreen

Timooq Mølgaard

Læs hele sagen:

  1. Assigiinngitsumik atugaqarmeq nalimmassarneqassaaq
  2. Qineqqusaarneq internetsikkut ingerlanneqassaaq
  3. Valgkampen vil foregå digitalt
  4. Uligheden skal udjævnes
  5. Kiista Kujataani ukiunut qulinut atuuttussamik pilersaarusiorniarpoq
  6. Kiista varsler 10 årsplan for Sydgrønland
  7. Ludvigsen ilaqutariinnut atugassarititaasunik siuarsaaniartoq
  8. Ludvigsen vil fremme familiers vilkår
  9. Styrket indsats for børn og unge
  10. Nuummi inissaaleqisoqarnera aaqqiiffigineqassaaq
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER