Ane Hansenip kommunalbestyrelsea inissippoq

Kommune Qeqertalimmi kommunalbestyrelse ataasinngornermi inissititerluni ataatsimiippoq. Qeqertalimmi isumaqatigiissutigineqartoq partiinit tamanit atsioqataaffigineqarpoq.

Mandag blev kommunalbestyrelsen i Kommune Qeqertalik konstitueret i Aasiaats forsamlingshus. - Kommune Qeqertalik
Mandag blev kommunalbestyrelsen i Kommune Qeqertalik konstitueret i Aasiaats forsamlingshus. - Kommune Qeqertalik
Mandag blev kommunalbestyrelsen i Kommune Qeqertalik konstitueret i Aasiaats forsamlingshus. - Kommune Qeqertalik
Mandag blev kommunalbestyrelsen i Kommune Qeqertalik konstitueret i Aasiaats forsamlingshus. - Kommune Qeqertalik
Mandag blev kommunalbestyrelsen i Kommune Qeqertalik konstitueret i Aasiaats forsamlingshus. - Kommune Qeqertalik
Mandag blev kommunalbestyrelsen i Kommune Qeqertalik konstitueret i Aasiaats forsamlingshus. - Kommune Qeqertalik

Kommune Qeqertalimmi kommunalbestyrelse ataasinngornermi 3. maj inissititerluni ataatsimiimmat Ane Hansen (IA) ukiuni sisamani tullerni borgmesteritut toqqangaaqqippoq. Frantz Lundblad (IA) 1. viceborgmesterinngorpoq, Aqqa Samuelsen (S) 2. viceborgmesterinngortoq.

Inuit Ataqatigiit, Siumut, Demokraatit aamma Atassut tamarmiullutik isumaqatigiissummut atsioqatigiipput.

Taamaasilluni Ane Hansen tamanik suleqateqartussanngorluni isumaqatigiissuteqarpoq.

Qaasuitsup Kommuniata 2018-imili avinneqarnerannit kommunip immikkuullarittumik aaqqissuussaanera ukiuni sisamani tullerni inerisaqqinneqassasoq ilaatigut suliassatut aalajangerneqarsimavoq.

Akisussaaffiit tunniunneqarput

Inissititerluni ataatsimiinnermi ataatsimiititaliani ilaasortassat aamma inissititerneqarput. Inuit Ataqatigiit qinersinermi kommunimi taasisut 50 procentii sinnerlugit taaneqaramik kommunalbestyrelsemi amerlanerussuteqangaatsiarput. Sunniuteqarnerpaasussatut inissinneq ataatsimiititaliani aamma takuneqarsinnaavoq.

Ataatsimiititaliat ilaasortai ima inissipput:

Ataatsimiititaliaq Inua:

  • Siulittaasoq Ane Hansen (IA)
  • Karl Thue Nathanielsen (IA)
  • Klaus Lundblad (IA)
  • Hans Aronsen (IA)
  • Frantz Lundblad (IA)
  • Ole I. Frederiksen (S)
  • Enok Sandgreen (S)

Ataatsimiititaliaq Inoqarfik:

  • Siulittaasoq: Klaus Lundblad (IA)
  • Bia A. Broberg (IA)
  • Kristian Jeremiassen (IA)
  • Niels Kristensen (IA)
  • Nikkulaat Jeremiassen (S)

Ataatsimiititaliaq Timi tarnilu:

  • Siulittaasoq: Karl Thue Nathanielsen (IA)
  • Aqqa Samuelsen (S)
  • Simigaq Heilmann (D)
  • Mariane S. Larsen (IA)
  • Hans Aronsen (IA)

Ataatsimiititaliaq Inuit:

  • Siulittaasoq: Niels Kristensen (IA)
  • Mariane S. Larsen (IA)
  • Frantz Lundblad (IA)
  • Naja Kristensen (A)
  • Ole I. Frederiksen (S)

Qinersinermi kommunimi taaneqarnerpaasoq, Peter Olsen (IA) kommunalbestyrelsemit killiligaanngitsumik sulinngiffeqassalluni qinnuteqarsimavoq. Taanna ilinniartitaanermut, kulturimut, timersornermut ilagiinnullu Naalakkersuisuussaaq.

Powered by Labrador CMS