Skip to main content

Ane Hansen: Kommunip avinnissaanut taaseqataasinnaanngilanga

Nassuiaasoqanngilaq, taamaallaat paatsiveqannginneq aammalu kommunip avinnissaanut illersuilluni akerliullunilu tunngavilersuutit paatsiveqanngitsut. Tassa Qaasuitsup Kommuniani innuttaasut taamatut misigisimapput, Ane Hansen, Inuit Ataqatigiit, isumaqarpoq

– Kinguartitsisoqarnianngippat nalorniguillu naaggaarit.
Taamatut kajumissaarivoq Inuit Ataqatigiinneersoq Ane Hansen, Qaasuitsup Kommuniani najugalik, taannali kommunip killeqarfiata avataani suligami kommuni avinneqassanersoq avinneqassannginnersorluunniit taaseqataaffigisinnaanngilaa.
Taanna tusagassiorfinnut nalunaarutikkut allappoq kommunip pipallattumik taasisitsiniarnera innuttaasut akornanni paatsiveerutsitsisoq. Isumaqarporlu taasisitsinissamik piumasaqartut taasisitsinerup kingorna qanoq pisoqarnissaa namminneq ilisimanngikkaat:
– Iluamik nassuiaasoqanngilaq namminnerlu isumaqatigiinngillat, taanna oqarpoq.
– Nalornisut inissaqartinneqangillat innuttaasullu ilaat taasinissaminnut periarfissinneqangillat. Uangalu Qaasuitsup Kommuniani allarpassuit peqatigalugit kommunip avataani suliaqarnera pissutigalugu taaseqataanissamut periarfissinneqangilaga sorlu aamma Danmarkimi nunatsinnilu ilinniagaqarnertik pissutigalugu taaseqataanissamut periarfissinneqangitsut, taamatuttaaq aamma Napparsimasut, angalasut, parnaarussivimmiittullu taasinissaminnut periarfissinneqangillat.

Taasisitsiniartoqarnera paatsuungassutigineqarpoq
Ilanngullugu oqaatigaa Qaasuitsup Kommuniata avinneqarnissaa pillugu taasisitsiniarsarineq in-nuttaasunik qinikkanillu paatsuungassutigineqartoq. Kommunimi politikerip Jess Svane-p, Siumut, oqaaseqaataa assersuutissatut taavaa suna taasissutigitinniarneqarnersoq iluamik ilisimaneqanngitsoq. KNR-mi taanna oqaaseqaateqarsimavoq.
Tamanna erserpoq Qasigiannguani allanilu innuttaasunik ataatsimiisitsinerup kingorna KNR-imi tusagassiisartup aammalu Kommunalbestyrelsemi ilaasortap Jess Svane Siumut oqaaseqarnerisigut. Kiisalu Jess Svane malillugu taasisitsinissaq avitsinissamut tunngassuteqanngitsoq, taannami oqarmat taasisitsinissaq kommunip angivallaarneranut apeqqutaasoq.
Taamaattorli taasivissami ima allaqqavoq ”Qaasuitsup kommunia avissava? Aap – Naamik”
Taamaattumik Ane Hansen isumaqarpoq innuttaasunik taasisitsinissaq kinguartinneqartariaqartoq, taarsiullgulu sivisunerusumik innuttaasunik tusarniaasoqassasoq Naalakkersuisut suleqatigalugit, innuttaasunik taasisitsinissaq siunertaqassappat.

Tunngavilersuutit
– Qaasuitsup Kommuniata avinneqarnissaanut siunertaqartut isumaat assigiinngeqaat tamangajammillu immikkut Qaasuitsup kommuniata qanoq avinneqarnissaanik siunnersuuteqartut maluginiagassaavoq. Innuttaasut isummersorneranni Kommunip angissusaannut attuumassuteqanngittunik tungavilersuuteqartoqartoq aamma maluginiagassaavoq sorlu pisiassat akiinut tunngasunik kommunip angissusaanut attuumassuteqangitsunik tungavilersuisoqarpoq. Kommunerujussuangortitsinermi nalunaarusiat annertuut assersuutigalugu kingulleq atugaq ”qaqortumik taaneqartoq” paasissutissanut ilaatinneqangitsut ilagaat.
– 
Taasisitsineq ersarissumik kingunissalik peqataaffigerusunneruarput pipallattumik innuttaasullu ilaannaanik periarfissiisoq peqataaffiginagu. Taamaammat taasisitsinissaq kinguartinneqangippat nalorniguillu naaggaarit, Ane Hansen oqarpoq.
Illit qanoq isumaqarpit? Qaasuitsup Kommuniata avinneqarnissaanik najoqqutassiisumik innuttaasunik taasisitsinermi peqataasinnaaguit taaseqataassagaluarpit?

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER