Ane Hansen: Isumaqatiginninniarnerit suli ingerlapput

Qaasuitsoq Kujallermi kina borgmesterinngussanersoq pillugu isumaqatigiinniarnerit suli ingerlapput.

Atassummeersoq Naja Petersen isumaqatigiinniarnerni aalajangiisutut taasisussaavoq, Inuit Ataqatigiit aamma Siumut marlunngornermi kommunimut qinersinerup kingorna ilaasortaatitassaasa amerlaqatigiinnerat pissutaalluni.

Atassummik isumaqateqarniarnerit
Sermitsiaq.AG-p Inuit Ataqatigiinni kommunissamut qinersinermi taaguunneqarnerpaasimasoq Ane Hansen oqaloqatigaa.

- Isumaqatigiinniarnerit suli ingerlappagut. Naja Petersen qanoq aalajangissanersoq pissangavugut, taanna sisamanngornermi ualikkut oqarpoq.

Naja Petersenip ullup ingerlanerani tunuliaqutini naapissagai, Ane Hansen ilisimatitsivoq.

- Ullumi Naja Petersenimik isumaqateqarniarnerput ajunngitsumik ingerlavoq. Ullup ingerlanerani tusarfigeqqissavarput. Kisianni suna tamarmi suli ammavoq, Ane Hansen oqarpoq.