Anders Olsen: Naalakkersuisut isorliunerusut puigorpaat

Inatsisartuni ilaasortap Anders Olsenip (S) angallannerup tungaatigut Naalakkersuisut isornartorsiorpai. Angallanneq piaarnerpaamik aaqqiivigineqartariaqartoq piumasaqarpoq

Anders Olsen, Siumut, Nanortalik

- Angallannikkut kiffartuussinissamik isumaqatigiissutit ilungersunarnersarigunagaat pitsaanngilluinnartunillu atuisunit atugassaqarfiujuartoq 2017 aallartimmat atuutilersinneqarpoq, maannamullu ajornartorsiutinik atugassaqartitsiuarnera aamma takusinnaajuarlutigu.

Anders Olsen (S) tusagassiutinut nalunaarummi Naalakkersuisunut isornartorsiuivoq. Tassami angallannermut isumaqatigiissutip aaqqiiviginiarlugu sulineq naammaginngitsorujussuuaa.

Piaarnerpaamik aaqqiivigineqarnissaa

Angallasseriaasiusumut pitsannguutissanut siunnersuutinik saqqummiussaqartussaq suleqatigiissitaq Naalakkersuisoqarfimmit, Air Greenlandimit kiisalu Disko Linemit ilaasortaaffigineqartoq pilersinneqartoq qanoq ingerlanersoq paaserusuppaa.

- Upernaaq Inatsisartut ataatsimiinnerat aallartimmat Naalakkersuisunit nassuerutigineqarpoq suleqatigiissitaq suliaqarsimanngitsoq, tamannalu nangittumik ukiaq manna killiffik eqqarsaatigalugu annerusumik susoqarsimanngitsoq paasinarvoq.

- Taamaammat Naalakkersuisut mittarfissuarnut suliamut ukkassinerujussuat isorliunerusut atugaannut sunniuteqarnerlunnera piaarnerpaamik aaqqiivigisariaqarpoq, Anders Olsen oqarpoq.

Powered by Labrador CMS