Skip to main content

Anders Brøns inuulluaqquneqarpoq

Polar Seafoodimi sulisut ilaqutaasullu Vodskov Kirkemi Anders Brøns pingasunngornermi ualikkut naggammik inuulluaqquaat.

Vodskov kirke ulikkaarluinnarneqarsimavoq, ilaqutaasut, Polar Seafoodimi Danmarkimi sulisut Nordjyllandimilu kalaallit arlallit, Polar Seafoodimik pilersitseqataasoq Anders Brøns eqqaaniarmassuk. Anders Brøns Aalborg talittarfiani sapaatip akunnera kingulleq ipilluni toquvoq.

Eqqaaniaaneq Vodskovimi ingerlanneqarpoq, allaffimmi suleqataasut 50-it ittuminnut naggammik inuulluaqqusinermi peqataasinnaaqqullugit. Oqaluffik 430-inik isersimasoqarsinnaasoq ulikkaarluinnarsimammat, oqaluffiup paarlersua ilanngullugu naalagiarnermi atorneqarpoq.

Angut sullarissoq

Danmarkimi palasi kalaaleq, Oline Berthelsen, eqqaaniaanermi naalagiartitsivoq, naalagiarneq erinnerluni aallaqqaaserneqarpoq, tussiutigineqarlunilu Toqqorpara Uummatinnut. - Anders Brøns angutaavoq sullarissoq, siunissamut takorluuisinnaasoq ilaquttaminillu pingaartitsisoq. Pisortaavoq maligassiuisuullunilu, suliat pitsaasumik naammassisaramigit nukittoqutigilluinnarpaa, Oline Berthelsen oqalugiummini oqarpoq.

Oline Berthelsen oqalugiussereermat Rasmus Lyberthip Anders Brøns eqqaaniarlugu appippoq. Tusarnaartitsineq tussunngunarluinnarpoq. Lyberthip Uummatinni Asanninneqarpoq aamma Takuat Paninnguaq atormagit tusarnaartut qullipipput. Vodskov Kirkemi eqqaaniaaneq naggaserlugu ilaqutaasut qaninnerusut illerfik akiarlugu annippaat, ilisiartortullu qamutaannut ikillugu. Ilisineq Nuummi juullip ulluisa naggataavani ingerlanneqassaaq.

Persuarsiunngitsumik naapeqatigiinneq

Eqqaaniaasoqareermat Vodskovimi Polar Seafoodip allaffiani naapeqatigiinnissamut qaaqquneqarput. Suliffeqarfik kaffemik, viinninik tamulugassanillu sassaallerpoq, soorunamilu kalaallit raajaataannik pitsaasunik aamma sassaallerluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER