Anda Uldum
Anda Uldumip tunuarnera Kielsenip ugguaraa
- Anda tatiginartuuvoq, Demokraatit siulittaasuata politikkimit tunuarniarluni aalajangernerata kingorna Naalakkersuisut siulittaasuat Kim Kielsen KNR-imut taama oqarpoq
Naalakkersuuisut siulittaasuata, Kim Kielsenip (S), Anda Uldum politikkimit tunuarniarluni aalajangernera ugguaraa. KNR taama ilisimatitsivoq.
Novembarip aappaani 2015-imi Anda Uldum, Demokraatini siulittaasuusoq aningaasaqarnermut aatsitassanullu naalakkersuisuusoq kiisalu Naalakkersuisut siulittaasuanut tullersortaasoq stressernini pissutigalugu sulinngiffeqarluni nalunaarpoq. Januaarillu aqqaneq-aappaani politikkimit tunuarluni politikeri nalunaarpoq.
Annaaneqartoq
- Tamanna uggornarpoq naalakkersuisooqatigiinnullu annaasaqaataalluni, Kim Kielsen KNR-mut oqarpoq.
- Anda tatiginartuuvoq. Aalajaatsuuvoq ilungersortuullunilu aammalu qungujulajuaannarluni. Kisianni massakkut naalakkersuisooqatigiit ingerlavugut, tamannalu ingerlatiinnassavarput, Kim Kielsen ilanngullugu oqarpoq.
Aamma atuakkit:
Randi: Andap aalajangernera paasinarpoq
Andap atorfeqarnera assiliartalersorlugu