Anarnaq qaqutigoortoq ilisimatuunit pilanneqartoq

Limfjordenip kujanaani Ferringimi arfeq nunamut qaqisimasoq misissuisartunit pilanneqarnera ulloq naallugu tamanut ammasumik malinnaaffigineqarpoq.

Ilisimatuut Zoloogisk Musermip aserfallatsaaliiviani arfeq 2,7 meterinik takissuseqartoq 240 kilonillu oqamaassuseqartoq ilisimasaqarnerulerfiugiumallugu misissorpaat.

Taakkulu ilagaat adjunktiusoq Morten Tange Olsen.

- Iluamik suli nassaannginnermik alutornaqutigaa. Pilannissaalu erinigisimavarput qaqutigoortorujussuummat taama nalaataqartarnerput.

Ukiut 24-it

Arfermik qaqutigut Danmarkimi nalaarsisoqartartoq nassuiaatigaa. Kingullermimmi 1992-mi anarnamik tipisoqarpoq. Taamani Lillebætip eqqaaniissimalluni.

Arfeq inuusukaaq

Arfeq ataatsip missaanik ukioqartoq ilisimatuut naatsorsorsimavaat. Arnanaasorlu. Suussusialu qanorlu toqusimanersoq suli qularnaarlugu oqaatigisinnaanngikkallarlugu.

- Misissugassanik tigusiffigaarput. Nunarsuarmilu suleqatigut qulit misissuinissaannut nassillutigit. Arferup qanoq ililluni toqusimaneranik sorpiaaneranilluni paasiniaanitsinnik ikiussammatigut.

Scannerpaat

- Niaqua sapaatip akunnerata tulliani scannerneqassaaq. Taamaasioreeriarutta paasinarsissaaq arfeq soorpiaanersoq. Dna-va aamma misissorneqassalluni.

Arferup artia sorpiaanersoq sapaatip akunneri marluk angullugit misissorneqassasoq Morten Tange Olsenip ilimagaa.

Arfeq tipisimalluni toqusimasoq qimmimik aneerussusisumik sapaatip akunnerani siuliani nassaarineqarpoq.

/ritzau/