Skip to main content

Anaanaq paniminut innarliisoq pillugu: Sooruna angalaaginnaqqusaasimasoq?

Siorna anaanaasup sianerfigitinnera timaanik nukillaartitsivoq. Angutip takornartap pania saassullugulu pinngitsaalillugu atoqatigeriaraluarsimavaa. Angut siornatigut ukiukitsunik pinngitsaaliilluni atoqatiginninneq pillugu pineqaatissinneqareersimasoq.

Kinguaassiuutitigut kannguttaalliortut katsorsarneqartanngippata kinguneqarsinnaavoq.

Taama anaanaasoq, kinaassutsiminik isertuusserusuttoq, AG-miilli ilisimaneqartoq, oqaluttuarpoq. Anaanaasup panimmi tupannartumik misigisaqarsimanera oqaluttuarerusuppaa. Tupanneq inunnik kinguaassiuutitigut innarliisoqarsimatillugu tusagaqarnerit tamaasa utertuaannarpoq.

Aviisi AG taama allappoq.

Pingaartumik inummut, siornatigut innarleereersimasumut kisiannili pineqaatissinneqarnerminik naammassinnissimanerup kingorna aqqusinermi inuit akornaniileqqissimasumut, tusakkat tunngagaangata.

- Inuit qanoq pisimanersut ilisimallugulu sooq aniseqqinneqartarnersut paasisinnaanngilara, arnaq oqarpoq.

Siorna apriilimi unnukkut nalunaaqutaq arfineq-marluk missaani, arnap pania kammanilu marluk niuffissartik sioqqullugu bussinit niusimapput.

Niviarsiaqqat pisullutik illoqarfiup ilaani Nuussuarmi Qaavanut majuartarfissuakkoorlutik angerlaannarniarsimapput.

Qiteqquteruttorlugilli angut takornartaq naammattoorsimavaat. Angutip pania aperisimavaa ikittaateqarnersoq. Naameersimavoq. Kingorna, anaanaasoq naapertorlugu, pissuteqarani niviarsiaraq aqqaneq-marlunnik ukiulik annersalersimavaa.

- Tilluarlugu aallartippoq, kiinaatigut timaatigullu annersarlugu. Kingorna pinngitsaalillugu atoqatigeriaraluarpaa, anaanaasoq pisumit suli attortisimaqisoq oqaluttuarpoq.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER