Anaanaq kisimiittoq pingasulialik

Ninna Nielsen 2008-mi pingasulivoq, Kalaallit Nunaanni qaqutigoortumik. Ullumikkut qatanngutigiit pingasut angisuunngorsimapput – Ninnallu ukiut pikkunartut aqqanillit ilaannikkut aaqqissuukkuminaasinnaasut kingumut qiviarsinnaalerlugit.

Ninna Nielsen 2008-imi pingasuligami Kalaallit Nunaanni nutaarsiassarineqangaatsiarpoq. Pingasuligami ullormi ataatsimi pingasunut anaananngorpoq kisimiittoq.

Qatanngutigiit maanna allereerput - Ninnap ukiut aqqanillit kingumut qiviarsinnaavai ulapaarfiungaatsiarsimasut, aammali ilungersunarsinnaasimasut.

Mannik marlunngorluni avippoq

34-nik ukoqarluni Ninnap inuunermini nalunaaqutaq malugisinnaavaa. Inuuneranili anguteqanngilaq, taamaattumik mannissamik ikkussiffigitinnissaq periarfissatut misissulerpaa. Danmarkimi aasaanerani nuannaariartilluni Odensemi peqqissaavimmi namminersortumi suliaritippoq, iluatsinngitsumilli. Taamaattumik Ninnap aalajangerpaa naartuniaqqinniarluni.

- Sapiisilaarsimagunarpunga. Eqqarsarpunga maannakkut iluatsittariaqartoq. Peqqissaavimmilli aperisoqarmat mannissaq ataaseq marluulluunniit ikkunneqassanersut marluussasut akivunga. Naatsorsuutigigaluarparalu taamaallaat ataaseq piviusunngussussasoq, illarluni oqarpoq.

Ninna arlaleriarluni scannertippoq, pinerilli tamaasa peqqinnissaqarfimmi sulisut naartuut marluinnaat takusarpaat. Aatsaalli qaammatit pingasut ingerlareersut sisamassaanik scannertittussaalluni tupannaqisumik nalunaarfigineqarpoq: Naartuut pingasuupput!

Manniit aappaa marlunngorluni avissimavoq. Ninnap naavaniipput naartuuaqqat mannissamit ataatsimeersut niviarsiaqqat marluk qatannguteeraallu mannissamit ataatsimeersoq nukappiaraq.

- Taamaalinerani illooqqama qiviarpaanga oqarluni: Nalunngiliuk maannakkorpiaq inussat 30-t isikkamilu inussat 30-t naanniittut? Eqqarsaannarpungalu: Eqqanaraluttoq – assaa amerlat. Neriuinnassaangalu amigartoqanngitsoq.

Kisitsisit eqqarsaatigalugit taamaallaat naartunerit 10.000-iugaangata pingasulisoqartarpoq taamaattumik Ninnap naartunera Sanami uissuummissutaavoq.

Ikiortissaaleqisoq

Ninnap isertuutinngilaa mikisunik meeraqarluni ukiut ajornakusoortupilussuusut. Anaanaq kisimiittuinnaanngilaq. Ninnap aamma siusissukkut anaanani annaavaa, taamaattumik ulluinnaat ingerlasinnaassappata ikiortissaqartorsuunani.

- Inuuvoq aaqqissuulluakkamik inuusoq, tamannalu peqqutigalugu mikisunik meeraqarnikkut suut tamarmik allanngortinneqarput. Arlaanukarniaraanni aninissaq ajornakusoorluinnarsinnaasoq, eqqaamavaa.

Ninna pillugu Arnanut-mi nutaami atuarnerusinnaavutit. Atuagassiaq pisiniarfinni pisiarisinnaavat, uaniluunniit ataani pissarsiarisinnaallugu.

Powered by Labrador CMS