Skip to main content

Anaanaq ernumasoq: Niviarsiaqqat inuusuttuaqqat peqatiminnik saassussisut

Niviarsiaqqat inuusuttuaqqat Nuummi Katuap silataani sisamanngormat ualikkut peqatiminnit saassunneqarput. Pisoq politiinut nalunaarutigineqarpoq paasiniaaffigineqalerlunilu.

Politiit persuttaasoqarsimaneranik tallimanngormat ullaap tungaani nalunaarfigineqarput. Niviarsiaqqat inuusuttut eqimattat 13-inik 14-inillu ukiullit meeqqanik, 13-inik 14-inillu ukiulinnik Nuummi Katuap silataani sisamanngornermi ualikkut saassussisimasut angajoqqaat pingasut nalunaarutigaat.

Anna Wangenheim, inuusuttuaqqamut saassunneqartumut anaanaasoq, pisoq pillugu Facebookimini allassimavoq, takunnissimasunillu ujartuilluni.

Sermitsiaq.AG-mut ima oqarpoq:

- Ernera ikinngutaalu niviarsiaqqanit inuussuttunit Nuuk Centerip saavani uumisaarneqarput. Katuap saavani pisoq sakkortusivoq, ernermami ikinngutai niviarsiaqqat saassussisunit nujaartorneqarput aqqusinermullu uppisillugit ajanneqarlutik. Ernerma ikinngutaa niviarsiaraq ataaseq saassussinerup kingorna niaqqumigut qitermigullu anniarnini pissutigalugu pinartoqartillugu nakorsiartarfiliartariaqarsimavoq.

Sumiuussuseq pissutigalugu nikassarneqartut

Anna Wangenheimip ernera ikinngutaalu toqumik siorasaarneqarsimasut qallunaatullu isikkoqarnerat pillugu nikassarneqarsimasut, taanna nassuiaavoq.

Facebookimi ima allappoq:

- Pisoq politiinut nalunaarutigissavarput, tassami toqumik siorasaarisoqarpoq inuusuttuaqqallu peqqarniitsumik nakuusernissaminnut siorasaarisimallutik. “Meeqqat qallunaajaraammata imminut toqussasut” aamma peqquneqarsimagunarput.

Anna Wangenheim nassuiaavoq, ernerata ikinngutaatalu saassussisut ilisarisimanngikkaat peqatipajaaringaalli.

Politiit uppernarsaapput persuttaasoqarsimaneranik nalunaarfigineqarsimallutik suliarlu maanna paasiniarneqalersoq.

Nuummi upalungaarsimanermut pisortap tullersortaatut atorfinittoq: 5 minutsip iluani nalunartuaannarpoq susoqarsinnaaneranik
53-inik ukiulik Jakob Petersen, Nuummi peroriartortoq, 1.juli aallarnerfigalugu upalungaarsimanermut pisortap tullersortaatut atorfinippoq.
Aasaanerani aaqqissuussaq tamanut ammasoq
Qaanniortarneq pillugu saqqummiussinissamut peqataajartorit.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER