Amutsiviup ikuallanneratigut politiit angallatissaat nutaat eqqorneqartut
Faaborgimi amutsivik ikuallammat politiit maanna angallataannut sisamanut taartissat sisamat tunniunneqarnissaat kinguartinneqarsinnaavoq. Taakkumi amutsivimmi tallimanngormat unnuakkut ikuallattumi sananeqarput.
Faaborgimi amutsiviup ikuallannera qaminneqareerpoq, ikuallammt pujoq toqunartortalik aniangaatsiarsimavoq. Fyns Politi sisamanngormat unnuap-qeqqaliivissoq upalungaarsimasoqarnissaanik nalunaaruteqarnerminni ilisimatitsipput.
Amutsiviup quersuani allattoqarfianilu atortorpassuit ikuallattoqarnerani ajoquserneqarsimapput, pigaartut pisortaat tallimanngormat ullaakkut oqaluttuarpoq.
- Ikuallanneq ajoqusiingaatsiarsimavoq, ikuallattoqarneranilu misissuisartutta ikuallannermut suna pissutaasimanersoq misissussavaat, Henrik Strauss oqarpoq.
Kalaallit Nunaanni Politiit Sermitsiaq.AG-mut ilisimatitsissutigaat, politiit angallatissaat nutaat sisamata amutsivimmi sananeqartut ajoquserneqarsimanngitsut. Akerlianik umiatsiat atortussaasa ilaat ikuallassimapput, tamannalu pissutigalugu tunniunneqarnissaat kinguartinneqarsinnaavoq.
Tunniussinissamut pilersaarut allanngortinneqarsinnaasoq
Pilersaarut malillugu angallat ataaseq qaammatip matuma naanerani Aasiannut tunniunneqartussaavoq. Angallat Kimik-mit taaguuserneqarsimav oq, ikuallaffiullu avataanut singinneqareersimalluni.
Qaqortumut tunniussinissaq juulip qiteqqunnerani pisussatut pilersaarutaavoq, Nuummulli Sisimiunullu tunniunneqartussat oktobarip novembarilluunniit missaanni apuunneqarnissaat naatsorsuutigineqarluni.
Ikuallattoqarneranut atatillugu amutsivimmi sulisoq ataaseq pujormik iiorasimanini pissutigalugu ankkutigisassanngortinneqarsimavoq, Fyns Politiini pigaartut pisortaat Henrik Strauss oqaluttuarpoq. Sulisup qanoq innera ilisimaneqanngilaq.
Hjemmeværnet sulisinneqartoq
Pigaartut pisortaat naapertorlugu amutsivimmi glasfiberit, aluminiu asbestilu ulorianartumik pujuliorsmapput.
Hjemmeværnet tallimanngormat ullaakkut amutsivimmik nakkutilliisuunngortinneqarsimapput, tassani inuit iserlutik ajutuunnginnissaat qulakkeeriffiginiarlugu.
https://t.co/UyPuWobzeF
— presse fotos (@pressefotosdk) June 3, 2021
Upalungaarsimanermut aqutsisoqarfimmi pisortaq Lars Høg Schou sisamanngormat unnuap-qeqqanngilaattaa Twitterikkut allappoq, Sydjyllandimi Upalungaarsimanermut aqutsisoqarfik Faaborgiliartinneqarsimasoq. Qatserisartut aqqaneq-marluk qatserinermi biilit atorneqartartut Faaborgiliaassimavaat.
Taanna nangilluni allappoq, Midtjyllandimi Upalungaarsimanermut aqutsisoqarfimmit dronit atorlugit misissuisartut aamma ilanngunneqarsimasut.
Fyn Politiit pigaartuisa pisortaat naapertorlugu, politiit qulit ikuallattup eqqaaniitsinneqarsimapput.