Skip to main content

Ammasumik killilikkamillu ukiuunerani tuttunniartoqarsinnaalerpoq

Aqagu marlunngornermiit sapaatip akunneri pingasut ilanngullugit aqutsiveqarfinni tallimani killilersukkanik ukiuunerani tuttunniartoqarsinnaanngortoq, Nuussuarmi killeqanngitsumik piffissami tassani piniartoqarsinnaavoq

Piniarnermut naalakkersuisoq, Siumumeersoq Karl-Kristian Kruse, aqutsiveqarfinni tallimani kiisalu Nuussuarmi piniarnermik inuussutissarsiutilinnut aqagu marlunngornermiit sapaatip akunneri tulliuttut pingasut ilanngullugit tuttunniartoqarsinnaaneranut ammaassivoq.

Aqutsiveqarfinni ukunani ukiuunerani tuttunniartoqarsinnaavoq:

  • Nuussuup qeqertaasaani killiligaanngitsunik amerlassusilinnik
  • Naternami tuttut 100-t 
  • Ameralimmi tuttut 100-t
  • Qeqertarsuatsiaani tuttut 100-t
  • Qassimi tuttut 100-t
  • Neriami tuttut 100-t

Aalisarnermut piniarnermut nunalerinermullu naalakkersuisoqarfimmit nalunaarutigineqarpoq, piniarnermut naalakkersuisup, Siumumeersup Karl-Kristian Krusep erseqqissaatigigaa pisassiissutit ilaneqaqqissanngitsut piffissarlu piniarfiusussaatitaasoq, tassa februaarip 17-aniit marsip qulingat ilanngullugu, sivitsorneqassanngitsoq.

Ukiuunerani tuttunniarnissap ammaqqinneqarnissaa Qeqqata Kommunianiit aamma Kommuneqarfik Sermersuumiit taperserneqanngilaq tassani tuttut ukiuunerani pisariaqartumik eqqissisimatinneqarnissaannut aamma akiliisitsilluni piniartitsisinnaanerup suli atorluarnerulernissaanut innersuussillutik, taamaattoq Knapk-ip aamma Qaasuitsup Kommuniata ukiuunerani tuttunniarnissap ammaqqinneqarnissaa kissaatigisimavaat.

Atuaruk: Biologit ukiuunerani tuttunniartoqarnissaa innersuussutiginngilaat

Pinngortitaleriffiup aqutsiveqarfinni Naternami, Kangerlussuaq-Sisimiuni, Akia-Maniitsumi Ameralimmi, Qeqertarsuatsiaani, Qassini, Neriami kiisalu Ivittuuni/Aqutsiveqarfik 11-mi ukiuunerani tuttunniartoqannginnissaa siunnersuinermini inassutigeqqippaa.

Saqqami tuttoqarluarnera, norraqarluanera kiisalu sumiiffimmi tamaani tuttut nerisassakilliorsinnaanerat naatsorsuutigineqarmat Pinngortitaleriffiup Nuussuarmi ukiuunerani 2015-mi tuttunniartoqarnissaa inassutigaat.

Aqutsiveqarfiit allaaserisap ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER