Ammariartuaarnissamut pilersaarut ataasinngorpat saqqummiunneqassaaq
Partiit siuttui ullumi ataatsimeeqatigiipput, nunattalu ammariartuaarnissaanut alloriarneq siulleq ataasinngorpat saqqummiunneqassaaq.
Ataasinngorneq majip 25-at nalunaaqutaq 9.00 Kim Kielsen partiit siuttui peqatiginnguatsiarlugit Kalaallit Nunaata ammariartuaarnissaanut pilersaarut saqqummiutissavaa.
Nuna martsip 20-anili matuvoq. Angalanissamullu killilersuutit majip 31-ata tungaanut atuukkallarput.
Naalakkersuisut siulittaasuat, Kim Kielsen pingasunngornermi oqallinnermi ammariartornissamut pilersaarummut alloriarnerinut pingasunut siunnersuutit saqqummiuppai. Partiillu siuttuisa ullumi ataatsimiinnerat inerititaqarsorinarsinnaavoq.
- Ammariartuaarnissamut pilersaarusiorpugut innuttaasut illersorsinnaallugit, aammali suliffeqarfiit ammarnissamut pisariaqartut eqqarsaatigalugit. Inuiaqatigiinnut illersorsinnasumik ammariartuaarnissamik pilersaaruteqartoq oqarsinnaavugut, Múte B. Egede Sermitsiaq.AG-mut oqarpoq.
- Nualluussuaq ataatsimoorluta unammillerparput, oqarpoq.
Ammariartuaarnissamut pilersaarummi alloriarnerup siulliup immikkoortui ataasinngorpat saqqummiunneqassapput.