Skip to main content

Ammaaqqinnermi immikkoortoq siulleq sivitsorneqarpoq

Kitaani misissuinermi atortussat kingusinaaqqapput, Danmarkimilu qanoq inissisimasoqarnera naalarnineqaqqaarniarpoq. Taamaammat ammaaqqinnermi immikkoortoq siulleq juulip 20-anut sivitsorneqarpoq, Kim Kielsen oqaluttuarpoq.

Naalakkersuisut Siulittaasuata Kim Kielsenip, sisamanngormat ulaikkut tusagassiortunik katersortitsinermi oqaluttuaraa, misissuinermi atortussat, sineriammi coronavirusimik missuinermi atortussaasut, Kalaallit Nunaannut suli tikissimanngitsut.

Misissuinermi atortussat Namminersorlutik Oqartussat tuniluuttumik siaruatsaaliornermi periusissiannut pingaaaruteqarput, ilaatigullu taamaammat ammaaqqinnermi immikkoortoq siulleq Naalakkersuisunit sivitsorneqarpoq.

- Misissuinermi atortussat tuniluuttumik siaruatsaaliuinermi periusissiamut pingaarutilittut ilaapput, aammali nunarpassuarnit piumaneqaqalutik, taamaamma pisiariniarneri ajornaatsuinnaasimanngilaq, Kim Kielsen oqarpoq.

Tamatuma saniatigut Danmarkimi pissutsit malinnaaffigerusunneqarput, Danmarkimi ammaajartuinnartoqarnerani pissutsit malinnaaffiginiarlugit.

Partiit siulittaasui allat peqataatinneqarsimasut

- Silaannakkut Kalaallit Nunaannut tikinnissaq pillugu nalunaarut, juulip 20-ata tungaanut sivitsorniarlugu isumaqatigiippugut, Kim Kielsen oqarpoq.

Oqaatigaa, partiit siuliittaasui allat isumaqataasut aalajangiinermullu peqataatinneqarsimasut.

Ammaaqqinnermi immikkoortoq siullermi malitassat ilaatigut ilagaat, Kalaallit Nunaannukassagaanni coronmik tunillatsissimannginnermut uppernarsaammik takutitsisoqartassasoq, aamma tikerlaat angerlarsimaffimminni imminnut mattuteqqasassasut, coronamullu misissorteqqittassasut.

Immikkoortoq siulleq malillugu aamma, Danmarkimiit sapaatip akunneranut qanoq amerlatigisunik ilaasoqartarnissaq killiligaavoq.

Nunanut allanut angalaneq nammineq akisussaaffiusoq

Kim Kielsen aamma aperineqarpoq, innuttaasunut Danmarkimiit nunanut allanut aasaanerani sulinngiffeqarlutik aallarusuttunut qanoq inassuteqaatissaqarnersoq.

Danmarkimi nunanut allanut ministeeriaqarfik, danskit sumunnartariaqarnerannut imaluunniit sumunnartariaqannginnerannut malittarisassanik saqqummiussisarsimavoq, Kim Kielsenilli tassunga atatillugu oqaatigaa, inuit nammainneq tamanna akisussaaffigigaat:

- Arlaleriarluta oqaatiginikuuarput, nunanut allanut angalarusukkussi, nunamut sumut angalanersi nammineq akisussaaffigaarsi. Napparsimaguit nunatsinnukartussaallutillu, taava nunatsinnut isersinnaanngilatit, aamma angalanerup sivitsornerani aningaasartuutit nammineq akilerneqartussaapput, Kim Kielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER