Amigaatigineqartut: Akiuussutissamik kapitittussat
Nuummi Inussivimmi ullumi immikkut ittumik akiuussutissamik kapuuisoqarpoq. Akiuussutissat 3.000-it peqqinnissaqarfimmit ullumikkut atortussanngorlugit immikkoortinneqarsimapput. Maannamulli innuttaasut 1.600-t ullumikkut kapitereersimalerput.
Nuummi ullumi akiuussutissamik kapuuisoqarpoq.
Akiuussutissalertinniarlutik soqutiginnittut sisamanngormat amerlalluinnarmata, ullumi immikkut ittumik akiuussutissalersuisoqassasoq aalajangerneqarpoq. Ullumikkumut akiuussutissat 3.000-it immikkoortinneqarsimapput.
Amigaateqartoqarporli. Innuttaasut suli akiuussutissalertissimanngitsut, aappassaanilluunniit kapitittussat maanna amigaatigineqarput. Inussivik maanna utaqqisoqanngilaq.
Kalaallit Nunaanni Peqqinnissaqarfimmi nakorsat pisortaat, Berit Handberg oqaluttuarpoq maannakkorpiaq tunuleriaattoqanngitsoq. Kapitikkiartortut ataasiakkaat aggertarput.
- Ullumikkut, maannakkumut innuttaasut 1.600-t kapitereerput, oqarpoq.
Kapitikkiartoritsi
Nuummi akiuussutissanik kapuisut maanna kaammattuuteqarput. 16-inik ukioqalereersimaguit sulilu siullermeerlutit akiuussutissamik kapitinnak, maanna kapitikkiartorsinnaavutit.
Siullermeerlutit kapitissimaguit ulloq 26. juni sioqqullugu, taava aamma aggersinnaavutit aappassaanillu kapitillutit.
- Kapitikkiartorit. Maannakkorpiaq tunuleriaattoqanngilaq, Kalaallit Nunaanni Peqqinnissaqarfimmi nakorsat pisortaat, Berit Handberg Sermitsiaq.AG-mut kaammattuuteqarluni oqarpoq.
Berit Handberg ilisimatitsivoq akiuussutissamik kapuisarfik ullumi siusinnerpaamik nalunaaqutaq 18.00 tungaanut ammatinneqassasoq.
Nakorsat pisortaat erseqqissaavoq akiuussutissat atunngitsuukkat iginneqassanngitsut. Akiuussutissat Modernameersut nillataartitsivimmut ilisinnaapput, ulloq alla atorsinnaallutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...