Amerlasuut inuunerat sanileriittutut marloqiusaavoq
- Oqaluffimmi kristumiuulluartuuvugut kisianni oqaluffiup qammarsuisa silataanni amerlasuut kristumiussuseq maanga pinngikkallarmat upperisat upperaat. Taamaattorli amerlanerit “ataatarpoortarput” qilaat atornagu. Oqaatsit Juaaka Lyberthimeersut ullutsinni Kalaallit Nunaanni kristumiussuseq sioqqullugu upperisat pillugit kandidati
Juaaka Lyberthip soqutigalugu oqallinneq, malinnaaffigisimavaa maannakkut nutaarsiassatigut assigiinngitsutigut aamma SoMe-mi, ingerlanneqartoq isummat palasimut Markus E. Olsenip iliuuserisaanut tunngasut, tassa Inuattut Ullorsiorfimmi naalagiartitsinermini qilaatersortartoq peqataatillugu.
Aviisi AG taama allappoq.
Naalagiartitsineq assigiinngitsunik isumaqarfigineqarpoq, kisianni aammattaaq innuttaasunik aalassatsitsisoq ilaatigut atsiornernik katersuinermi, pissutigalugu Markus E. Olsen ullualunnguit qaangiummata atorfimminit suliunnaarsinneqarallarmat Kalaallit Nunaanni biskopimit.
Tassami Juaaka Lyberth kristumiussuseq maanga pinngikkallarmat ullutsinni Nunatsinni upperisanik takorluuineq pillugu kandidatiusoq. Soraarummeerutigalugu allaaserisa 2016-imi illersorpaa, tamatuma saniatigut inuiaqatigiinni oqalliseqataasartuuvoq kiisalu kulturilerisut akornanni nipilersortarnermigut.
Taamaattorli oqaluffimmi pisimasoq isummersorfiginngilaa, kisianni paasisimasaqarnini ingerlatseqqikkusuppaa aamma pisimasoq nalilersorlugu, ingammik oqallinneq soraarummeerutigalugu allaaserisaata “qiterpiaanut nakkarmat”, tassunga ataqatigiittoqarnera takusinnaava – politikimi aamma upperisami.
Aviisimi AG-mi atuarnerusinnaavutit. Aviisi uani pissarsiariuk: