Ilinniarneq

Amerlanerusut ilinniagaqalertut

Ukiut qulit ingerlanerini innuttaasut ilinniarsimasut amerlassusaat, 6 procentpointinik annertusisimavoq

Studenter, GUX, Sisimiut, 2015
Ilinniarnertuunngorniarfinni ilinniartut amerleriaateqarput

Ilinniarsimassutsip kivitsiffigineqarnera patajaatsumik siuariartorpoq.

2014-imi inuttaasut 16-it sinnerlugit ukiullit 36,2 procentii meeqqat atuarfiannit qaffasinnerusumik ilinniagaqarsimapput, Naatsorsueqqissaartarfik paasissutissiivoq.

Atuaruk: Godtfredsen: Inuusuttut ilinnialeqqinneq ajortut iliuuseqarfigisigit

6 procenpointinik amerlanerusut
Tamanna ukiut qulit matuma siornarnit 6 procentpointinik annertuneruvoq, naatsorsuisarfiup kisitsisaataani kingullerni takuneqarsinnaavoq.

Ilinniarnertuunngorniarfiit aamma inuussutissarsiornermut ilinniarfiit toqqarneqarnerukkajupput. Kisianni aamma innuttaassut akornanni professionsbachelorit amerlisimapput. Assersuutigalugu peqqissaasut, ilinniartitsisut, nutserisut, isumaginninnermut siunnersortit aamma isumaginninnermut ikiortit.

2014-imi inuit 15.440 16-it sinnerlugit ukiullit meeqqat atuarfiannit qaffasinnerusumik ilinniagaqarsimapput, inuillu 10.447 ilinniarnertuunngorniarfimmi imaluunniit inuussutissarsiornermut ilinniarfimmik ilinniagaqarsimapput.

Atuaruk: Politiitut ilinniartitaaneq nutaaq piareersarneqaleruttorpoq

Powered by Labrador CMS