Skip to main content

Amerlanerussuteqartut: Nalaakkersuisut Danmarkimit ikiorneqarnissamut qinnuiginnissapput

Illuatungiliuttut ataatsimoortut aamma partii tapertaasut Demokraatit maanna Tasiilami meeqqat Kalaallit Nunaatalu sinnerani Naalakkersuisut Danmarkimut ikiorserneqarnissaannik ikioqqunialerpaat.

Hans Enoksen, Partii Naleraq, Múte B. Egede, IA, Sivert K. Heilmann, Atassut, Tillie Martinussen, Suleqatigiissitsisut, aamma Demokraatineersoq Randi V. Evaldsen marlunngornermi saaffiginnissummik atsiorlutik Inatsisartuni siulittaasoqarfimmut nassiussaqarput.

Piffissaq killiliussaq avaqqunneqartoq

Inatsisartuni siulittaasoqarfiup immikkut pisuni aalajangiiffissatut siunnersuutinut tunniussinissamut piffissarititaasut saneqqussinnaagaat, politikerit innersuussipput, taamaalilluni sammisaq upernaakkut ataatsimiinnermi uani Inatsisartuni suliarineqarsinnaaniassammat.

Aalajangiiffissatut siunnersuut ima allaqqavoq:

’’Kangiani, Kalaallit Nunaatalu sineriaani meeqqat ikiorneqarnissaat tunngavigalugu Naalakkersuisut danskit naalagaaffiannut ikioqqullutik saaffiginnissuteqassasut Naalakkersuisut peqquneqarnissaannik Inatsisartut aalajangiiffigisassaattut siunnersuut’’.

- Siulittaasoqarfiup piaarnerpaamik siunersuut Inatsisartuni oqaluuserisassanut ilanngunneqarnissaa, partiit kissaatigaat.

DR-imi piviusulersaarut

DR-imi piviusulersaarusiaq ”Byen hvor børn forsvinder”, Tasiilami pissutsit pillugit aalassatsitsivoq.

Isumaginninnermut naalakkersuisoq Martha Abelsen maajip 11-anni tusagassiuutinut naalunaarummi oqaatigaa, Isumaginninnermut Aqutsisoqarfik Børne- og Socialministeriet aamma danskit isumaginninnermut aqutsisoqarfiat qanimut suleqatigineqartut.

- Meeqqanut- inuusuttunullu suliassaqarfiup patajaallisaarneqarnissanut suliaqarnitsinni Danmarminit ikorneqarnerput Naalakkersuisunit nuannaarutigeqaarput.  Qallunaat Socialstyrelsiannik suleqateqarnermut atatillugu oqaatigissavara sulisutsinnut Kalaallit Nunaannilu sulianut aallartinneqareersunut ataqqinnippalaartumik pullaveqarnerat immikkut nuannaarutigigakku.  Kalaallit Nunaata nammineerluni suliassaqarfimmik siunissami kivitsinissaanut pisariaqarluinnartumik aaqqissuussinernik pioreersunik ilisimasallu annertusarneqarnerannik ikorfartuineq pullavittut atorpaat.  “Nammineq napatissinnaasumik” isumaginninnermi suliassaqarfik kivissagutsigu, taava avataanit ikiorneqarneq imminut ikiornissamut ikiuutaasaaq, aamma suliassat taakkunginnga suliarineqassanngillat, Martha Abelsen allappoq.

Ataqatigiissaakkamik ikiuineq

Taanna itisiliivoq:

- Isumaginninnermi suliassaqarfiup pisariaqartinneqarluinnartumik ineriartortinneqarnissaanut kikkut tamarmik peqataarusuttut tamaasa tikilluaqquagut.  Taamaattoq ikiuinerit ataqatigiissaarneqarnissaat pisariaqarpoq, taamaalilluni avataanit ikiuneq unippat ulluinaallu tikikkutsigit suliniutit ingerlaqqissinnaaniassammata.  Isumaginninnermut Inatsisinillu Atuutsitsinermut Naalakkersuisoqarfik taamatut ataqatigiissitsinissamut qaqugukkulluunniit piareersimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER