Skip to main content

Amerlanerussuteqartut imigassamut sukatererusuttut

Imigassamut inatsissatut siunnersuut ullumi Inatsisartut oqaluuserissavaat. Sukaterinnissaq amerlanerussuteqartunit taperserneqarpoq

Tamanna siunnersuummi erserpoq, siunnersuullu ullumi kiisami oqaluuserineqassaaq. Pingajussaaneerinninneq naggataarinninnerlu sisamanngorpat pissaaq.

Ukiup tulliani martsip ulluisa aallaqqaataanni imigassamik pilerisaarineq inerteqqutaalissaaq, pisiniarfinnilu tuniniaanerit assiaqutsersimasumi ingerlanneqalissallutik, sassaallernermullu piumasaqaatit aamma sukateriffigineqassapput.

Imigassamummi inatsissatut siunnersuut ullumi Inatsisartuni aappassaaneerneqartussaq, amerlanerussuteqartut taperserpaat. Taamaasilluni ataatsimiinnermi uani siunnersuutini oqallisigineqarnerpaasoq akuerineqartussanngorpoq.

Meeqqanik illersuineq

Naalakkersuisuit siunnersuummi pingaartippaat, meeqqat inuusuttulli imigassamik atornerluinerup kingunerluutaanik – angajoqqaatik aqqutigalugit allatigulluunniit – illersorneqarnissaat siunnersuummi anguniangaasoq. Taamatut isiginninniarneq peqqissutsimut ataatsimiititaliap tingulluarpaa.

- Imigassamik hashimillu atomerluineq meeqqanut, inuusuttuaqqanut ilaqutariinnullu ajomartorsiuteqamerannut taamaalilluni annertuumik pissutaaqataalluinnarput, ataatsimiititaliami isumaliutissiissummi allappoq.

D sukaterinissamut akerliusut

Anguniakkallu qanoq pitsaanerpaamik anguneqarsinnaanera akerleriissutigineqarpoq.

Siumut Inuit Ataqatigiillu Naalakkersuisut isumaqatigaat imigassamut inatsip ilaatigut sukaterneqarneratigut tamanna anguneqarsinnaammat

- Aallaqqaataaniilli peqqinnarturnik imigassartoriaaseqaraanni, inunnut ataasiakkaanut, ilaqutariinnut kiisalu inuiaqatigiinnut pitsaasurnik kinguneqartarpoq, taakku isumaliutissiissummi allapput.

Pilerisaarinermillu inerteqquteqalernikkut, pisiniarfinnillu assiaqutsersukkani imigassamik tuniniaanikkut ammasarfinnillu killilersuinikkut ajornartorsiutit aaqqiivigineqarsinnaanngitsut, Demokraatit isumaqarput.

- Demokraatit isumaqaput kukkunerusoq isumaqaraanni inuiaqatingiinni ajomartorsiuterujussuit killilersuinikkut inerteqqusiomikkullu aaqqinneqarsinnaasut. Eqqaamasariaqarparput inuiaqatigiinni innuttaasut amerlanersaat imigassamik atueriaaseq aqulluarsinnaammassuk, taakku ikinnerussuteqarlutik siunnersuummut taama oqaaseqarput.

Naalakkersuisut inatsissatut siunnersuut aaqqiissuteqarfigilaarlugu allannguutissatut siunnersuuteqarsimapput.

Siunnersuut sisamanngorpat pingajussaaneerneqarlunilu naggataarneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER