inooriaaseq
Amerlanerpaat inuunertik naammagisimaarpaat
Inooriaatsimik misissuinerup takutippaa utoqqaliartortilluni inuunermik naammagisimaarinninneq annertusiartortartoq, appariartoqqilertarlunili 70-inik ukioqalereersimalluni
Misissuinerup naggataani apeqqutigineqarpoq inuuneq qanoq naammagisimaartiginerlugu. Akissutissaasimapput: ´Naammagisimaaqaara, naammagisimaarpara, naammagisimaarpianngilara, naammaginngeqaara´, tassanilu 75 procentit akipput inuunertik naammagisimaartorujussuullugu. 21 procentit naammagisimaarinnipput, kingulliillu 4 procentit inuunertik naammagerpianngilaat.
Aperineqartut 1.030-t arlaannaalluunniit inuunertik naammaginngeqalugu akinngimmat taanna tabelimi ilaanngilaq.
Akissarsiaqqortuut naammagisimaarinninnerupput
Inuussutissarsiutit agguataarnerisigut ´atorfillit allat´ inuunerminnik naammagisimaarinninnersaapput, tassa taakkua 84 procentiisa inuunertik naammagisimaaqimmassuk. Tamakkununnga ttakussutissaavoq sivisujaamik sivisuumilluunniit ilinniagaqarsimagamik akissarsiaqqortujaarlutillu.
Ilanngullugu maluginiarneqarpoq ´aalisartut/piniartut´ aammalu ´ilinniagaqartut´ ilarpassuisa inuunertik naammagisimaaqigaat, tassa 80 procentit, ´utoqqalinersiallillu´ (66 procentimik) aammalu ´ilinniarsimanngitsut´ (73 procentimik) ikinnerpaamik naammagisimaarinnittoqarluarput.
Sermitsiap HS Analyse suleqatigalugu inooriaatsimik misissuinera pillugu annertunerusumik atuarit Sermitsiaq normu 36-mi uani: