oqartussaaqataaneq

Amerlanerit Sermersuumit avissaarusupput

Tunup namminerisamik kommuneqaqqilernissaanik Tasiilami innuttaasut 500-uugallartut atsiorsimapput

Tunumi innuttaasut tamarmiunngitsut Kommuneqarfik Sermersuumut ilaanertik naunaraat

Tasiilami 30-nik ukiulik Egon Poulsen innuttaasut atsiornerinik, akunnaallillugit 500-nik katersuisimavoq, 2009-mi kommunit aaqqissuuteqqinnerisa siornatigutut Tunup namminerisamik kommuneqaqqilernissaanik piumasalinnik.

– Isumaqarpunga Kommuneqarfik Sermersuup tunumiunik sullissinera ajorpallaartoq, Egon Poulsen isummaminik tunngavilersuivoq.

Tamatumunnga atatillugu tikkuarpaa Tunumi kommunimi sulisorpassuit soraarsinneqarsimasut, isumaqarporlu sullinneqarnertik ajorsigaluttuinnarsimasoq.

Oqaatsinik ajornartorsiutit

Tamatuma saniatigut oqaatsitigut aporfissaqarpoq.

– Assersuutigalugu angajoqqaakka kitaamiutut oqalussinnaanngillat kommunimullu saaffiginnikkaangata oqaluttaaffigisarpakka, pissutigerpiarlugu allaffissorneq tamarmi kitaamiusut qallunaatullu ingerlanneqarmat, Egon Poulsen tikkuaavoq.

Egon Poulsen tunumi kommunip namminersortup ingerlannissaanut qanoq isilluni aningaasanik pissarsiniarnersoq, kiisalu kommunimi pissutsit allat pillugu allaaserisat Sermitsiami normu 44-mi atuakkit.
Aviisi pisiniarfimmi imaluunniit allaaserisap ataani linki toorlugu pisiarisinnaavat.

Powered by Labrador CMS