amerleriangaatsiartut
Amerlanerit inalugarsuarmikkut kræfteqalersartut
Arnat angutillu inalugarsuarmikkut kræfteqalersartut ukiut ikittuinnaat ingerlaneranni amerlipiloorsimasut
Inalugarsuarmikkut kræfteqartut aarlerinartumik amerlisimapput.
Arnat akornanni nappaat kræftimik toqussutaasartut maanna 12,9 procenteraat. Angutit 6,9 procentii inalugarsuarmikkut kræfterlutik toqusarput.
Tamanna nakorsaaneqarfiup kisitsisaataannit takuneqarsinnaavoq. Aamma taamatut Danmarkimi ineriartortoqarpoq. Inalugarsuarmikkut kræfteqalersartut ilumut amerliartornersut imaluunniit peqqinnissaqarfimmi tamatuma paasinissaanut pikkorinnerulersimanersut ilisimaneqanngilaq.
Atuaruk: Kræfteqalersartut marloriaammik amerlanerusut
Danmarkimi Kræftens Bekæmpelse naapertorlugu inalugarsuarmikkut kræfteqalersartut amerlanerit 50-it sinnerlugit ukioqarput. Nunatsinnili taamaanngilaq. Nakorsaaneqarfik naapertorlugu inalugarsuarmikkut kræftertut amerliartulersarput 40-inik ukioqalernermiit amerliartupiluulersarlutillu 55-inik ukioqalereernerup kingorna.
Allaaserisaq tamaat AG-mi uani sapaatip-akunnerani saqqummertumi atuaruk. Aviisi uani aamma pisiarisinnaavat: