Skip to main content

Amerikarmiut umiarsuaatileqatigiif ata sanaartugassaq akitsorsarlugulu kinguarsarpaa

Amerikarmiut umiarsuaatileqatigiiffat Schuyler Line Navigation Company, Royal Arctic Linep Thulemut umiarsuaassisarneranik tigusisoq, ingerlatsivinnut assartukkanik nioqqutissanilluunniit sakkutooqarfimmut nassiussisussanut akisunerujussuuvoq. Tamanna pissutigalugu sanaartugassaq 150 millioner koruuninik akilik kinguaattoorpoq

Royal Greenlandip Pituffimmut umiarsuarmik Pituffimmut assartuisarunnaanera, tamatuminngalu amerikarmiut umiarsuaatileqatigiiffiata Schuyler Line Navigation Companyp (SLNC) tigusinera, sanaartornermik ingerlatsivimmut Adserballe og Knudsen Greenlandimut aningaasatigut kinguneqareersimavoq.

Adserballe og Knudsenip aasaq atortussaasimagaluarpaa sakkutooqarfimmi blokkip inissiaqarfiup pingasunik quleriillip iluarsaannissaanut– suliassaq 150 millioner koruunit missaannik akilik. 

Atortussat sulisussallu Aalborgimit aallarnissaminnut piareersimasimapput, nassiussalli Fredericiami umiarsuaatileqatigiiffimmut nutaamut tassunga tunniuttussanngoramikkit paasivaat assartornerat ingerlatsiviup naatsorsorsimasaanit akisunerujussuusoq. Amerikarmiullu ingerlatsivianni Thulemi sanaartornissamut piffissap sivikitsup iluani immikkut aningaasaliisoqarnissaa pisinnaasimanngilaq.

Adserballe og Knudsenip tamatuma kingorna atortussat Danmarkimi toqqorsivimmut inissippai, naatsorsuutigaalu isumaqatigiissuteqarnermut pissutsit upernaap ingerlanerani iluarsineqarumaartut, taamaasilluni atortut 2018-imi umiarsuarmik siullermik ingerlanneqarsinnaassammata. 

Sermitsiami paasisaqarnerugit:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER