Skip to main content

Amerikarmiunik isumaqatigiissummik Air Greenland ajugaaqqippoq

Thule Air Basep kiffartuunneqarnissaanik amerikarmiunik isumaqatigiissunni Air Greenlandip sivitsorpaa

Air Greenland nalunaarfigineqaqqammerpoq ukiuni tulliuttuni tallimani Thule Air Basemik kiffartuussinissamik suliarinnittussarsiuussinermi ajugaaqqittoq.
– Ukiuni qulingat avillugu kingullerni US Air Force-mut isumaqatigiissuteqarsimavugut, Amerikamiullu ingerlatseqatigiiffinnik allanik unammilleqateqarnitsinni toqqaqqissimammatigut, tamanna soorunami kiffartuussinitta naammagisimaarneqarneranut takussutissaavoq. Suliassamik siusinnerusukkut ingerlatsisimaneq nalilersuinermi tunngavigineqartunut ilagitinneqarpiarpoq, tassanilu angusarissaarnerpaavugut, tamatumanilu sulisuvut pikkorissut sungiussisimasullu, timmisartuussinernut taakkununnga suleqataasimasut annertuumik nersualaartariaqarput. Isumaqatigiissummi piumasaqaatit ineriartortinneqartuarput, matumanilu ilaatigut IT-p isumannaassusianut, qaffasissorujussuarmik inissisimasumut piumasaqaatit sakkortuut naammassisinnaasimavavut, Air Greenlandimi pisortaaneq Michael Højgaard ilisimatitsivoq.
US Air Force-mut isumaqatigiissuteqarnerup kingunerisaanik Air Greenland timmisartuni Airbus atorlugu sapaatit akunneri sisamakkaarlugit Thule Air Base-p aamma Københavnip akornanni timmisartuussisassaaq, tamatumalu saniatigut DASH 8 atorlugu sapaatit akunneri allortarlugit sakkutooqarfiup aamma Kangerlussuup akornanni timmisartuussisassalluni. Taakku saniatigut Københavnip aamma Kangerlussuup akornanni timmisartuussinernut allanut bilitsit aalajangersimasunik amerlassusillit kiisalu usit ilaannik assartuussisoqartassaaq.
Isumaqatigiissut nutaaq 2018-imi septembarip 30-iata tungaanut atuuppoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER