Amerikap nunavittaani pissartanngorniunnermut peqataassanngitsut

Tallimariarlutik unammigamik tamaasa ajorsarfigaa. Ilaat ajorsaqqalaarnerupput, kisianni NORCA-mi pissartanngorniunnerup naggataani Den Dominikanske Republikimut bronzinnanniunnermi ajorsangaatsiarput.

Unamminermi Den Dominikanske Republik 32-27-imik ajugaavoq.

Kalaallit nuanut allanut unammisartui uani unamminermi piumassutsimik takutitserusuttorujussuugaluarput, unamminerlu pilersaarutit malillugit aallartippoq.

Periarfissat atorluarneqanngitsut
Kisianni unamminerup aallartilaarnerani periarfissarujussuarnit måliniittoq eqquinnarneqaqattaalerpoq. Unamminerup immikkoortuani siullermi målinik pingasunik-sisamanik siuaqqanermut taarsiullugu muminnermi målinik marlunnik kinguaqqapput, 11-13.

Unamminerup pissanganartup annerpaartaani ingerlaqatigiissinnarlutik, Den Dominikanske Republik unamminerup naalernerani siuarpoq. Unamminermi tassani timimikkut eqqarsarnermikkullu nukittunerupput, Kalaallit Nunaata unamminermi siullermi tamanna angumasinnaanerusimagaluarpaat.

Ilinniarfiusoq
- Unammineq unamminermut siullermut assingusorujussuuvoq, tassani periarfissat ammaannartut atorluanngilagut. Maani kiattumi unamminerit tallimat kingorna, unammineq kingulleq sakkortuvoq, sungiusaasoq Johannes Groth oqarpoq.

- Naggataagut tamanna ilinniutitut tigusariaqarparput, sungiusarneq annertusillugu nutaanillu anguniagaqalerluta.

- Ineriartorsimavugut, unammisartut aamma allat taammaapput.

- Arnat unamminermik misilittagaqalernissaat sulissutigisariaqarparput, uani unammiuaarnermi misigittaanneq amigaatigisarput nassaariniassagatsigu.

- Ajugaanissamut periarfissat tamaasa pigigaluarpagut, misilittakkanilli amigaateqarneq ajoraluartumik aalajangiisuuvoq.

Den Dominikanske Republik ajugaanermini bronzinnappoq, USA sølvinnalluni Puerto Ricomeersullu pissartanngorput.

Taakku ajugaasut pingasut Amerikap nunavittaani pissartanngorniunnernut ingerlaqqipput.

- Pakatsineq maanna qaangerniaqqaalaassavarput, ukiunullu marlunnut pilersaarummik nukittunerusumik suliaqartariaqarpugut, nunanut allanut unammisartunut sungiusaasoq oqarpoq.

Lykke Frank Hansen All-Star holdinut toqqarneqarpoq.