nunatsinnit

Amerikap nunavissuani unammiuaarnissani allannguinerit

Amerikap Nunavissuani Pissartanngorniunnissamut anngunniulluni unammiuaarnissamit Den Dominikanske Republik tunuartitaavoq. Uppernarsaatissat paatsiveqarsimanngillat

Amerikap nunavissuani assammik arsartartut kattuffiat nalunaarpoq ´Timersornermut Ileqqorissaarnermullu´ kommissionip Den Dominikanske Republik 2014-imi juunip 30-ata tungaanut assammik arsarluni unammiuaarnernit tamanit tunuartikkaa.
Tamatumunnga pissutaavoq ilaatigut unammisartut inuiaassusiinut uppernarsaatissanik eqqortunik ajornartorsiuteqarneq aammalu unammisartunut pas-it assigiinngitsut atorneqarnerat.
Tamanna pissutigalugu Den Dominikanske Republik Amerikap nunabvissuani pissartanngorniunnissamut anngunniulluni unammiuaarnermi, februaarip 25-anniit marsip aallaqqaataanut Mexico City-mi ingerlanneqartussami, peqataassanngilaq.
Ulluni Den Dominikanske Republik-ip unammiffissaraluini unammisassai qasuersaartassapput.
Kalaallit Den Dominikanske Republik unammisussaagaluarpaat marsip aallaqqaataani.
Tamatuma kingorna Kalaallit Nunaata unamminissai imatut isikkoqalerut:
Ulloq Nunami tassani nalunaaqutaq/Nunatta nalunaaqutaa Unammineq
marlunngorneq 25. februar nal. 16.00/13.00 Kalaallit Nunaat - Cuba
pingasunngorneq 26. februar nal. 18.00/15.00 Puerto Rico - Kalaallit Nunaat
sisamanngorneq 27. februar nal 18.00/15.00 Mexico - Kalaallit Nunaat
tallimanngorneq 28. februar nal. 16.00/13.00 Kalaallit Nunaat - USA
arfininngorneq 1. marts Kalaallit qasuersaarput.
Taamatut tusagassiorfinnut nalunaaruteqarluni paasissutissiivoq Kalaallit Nunaanni Assammik Arsartartut Kattuffiat.

Powered by Labrador CMS