Skip to main content

Amerikamiut aallartitaqarfissaat akuerineqartoq

Nunanut allanut ministeeriaqarfiup USA nalunaarfigisimavaa, Amerikamiut Nuummi aallartitaqarfissaminnik ammaanissamut akuerineqarsimasut

USA-p Nuummi aallartitaqarfissaminik ammaanissamut pilersaarutini maanna ingerlateqqissinnaanngorpai.

Naalagaaffiit allanut attaveqartitsisussai nunanut allanut ministeeriaqarfimmiit pisortatigoortumik akuerineqartussaapput, tamannalu maanna pisimalerpoq.

- Amerikamiut Nuummi aallartitaqarfissaminik pilersitserusunnerat Nunanut allanut ministeeriaqarfiup Kalaallit Nunaanni oqartussat isumaqatigiissuteqarfigalugit akuerisimavaa, ministeeriaqarfik Sermitsiaq.AG-p apeqquteqarneratigut taamatut nalunaaruteqarpoq.

- USA-p aallartitaqarfik kimit aqunneqarnissaanik qanorlu inuttaqartinneqarnissaanik nalunaaruteqarnissaa maanna utaqqimaarparput. Aallartitaqarfimmik aqutsisussaq Nunanut allanut ministeeriaqarfiup Kalaallit Nunaanni oqartussat tusarniaaffigerialugit akuerisussaavaa.

Arfineq-marluk angullugit sulisoqarniartoq

Ambassadørip Carla Sandsip maajip qaammataani Sung Choi Kalaallit Nunaannut tunngatillugu aallartitatut immikkut akisussaaffeqartussatut toqqarpaa. Taamanimiilli Sung Choi Kalaallit Nunaannut akulikitsumik tikeraartalerpoq - Nuummuinnaanngitsoq, kitaatali sineriaata annersaanut tikeraartarluni. USA-miilli pisortatigoortumik suli nalunaarutigineqanngilaq aallartitaqarfimmik taanna aqutsisuussanersoq.

- Wienerimi isumaqatigiissut naapertorlugu, nunap aallartitaqarfini suliassat apeqqutaatillugit sulisunik aalajangersimasunik amerlassusilinnik inuttalersinnaavaa, Nunanut allanut ministeeriaqarfimmit akissuteqaat taamatut nipeqarpoq.

USA-mit pilersaarutigineqarpoq, Nuummi aallartitaqarfik marlunnik aallartitaqassasoq tallimanillu Nuummeersunik sulisoqassasoq.

Nunanut allanut ministerip Jeppe Kofodip (Soc) Amerikamiut pilersaarutaat tigulluarpaa.

- Naalakkersuisunut uannullu pingaaruteqarpoq qulakkiissallugu, Amerikamiut Kalaallit Nunaannut tunngatillugu soqutiginnikkiartinnarnerat kalaallinut iluaqusiinissaa. Issittumi ineriartorneq Amerikamiullu Kalaallit Nunaanni sammisaqarnerannut tunngatillugu suleqatigiilluarneq pillugit Kalaallit Nunaat peqatigalugu USA-mik oqaloqateqarnerput ingerlatiinnassavarput. Tassunga atatillugu Amerikamit Nuummi aallartitaqarfissaminnik pilersitsiniarnerat tikilluaqquara, Jeppe Kofod Sermitsiaq.AG-mut allakkatigut oqaaseqaateqarluni oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER