Skip to main content

Amerikami ministerip Nuummut tikeraarnissaa pillugu tusatsiakkat

Nunanut Allanut Naalakkersuisup Pele Brobergip uppernarsarlugu oqaatigisinnaannginnerarpaa, Amerikami nunanut allanut ministeri Antony Blinken piffissami qaninnermi Nuummut tikeraassanersoq.

USA-mi nunanut allanut ministeri Antony Blinken, Issittumi Siunnersuisoqatigiit maajip 19-ani 20-anilu ataatsimiinnissaanut peqataajartorluni Islandimukartussaavoq.

Aamma Inuussutissarsiornermut, Niuernermut, Nunanut Allanut Silallu Pissusaata Allanngoriartorneranut Naalakkersuisoq Pele Broberg (N) ataatsimeeqataajartorluni Islandiliartussaavoq. Tassungalu atatillugu Antony Blinkenip Danmarkimukarluni Jeppe Kog´fodimik ataatsimeeqateqarnissaa pilersaarutaalluni. Taamatut allapput Berlingske aamma Amerikami Twitterimi tusagassiortoq.

Ilanngullugu Antony Blinken angalanermini Nuummut aqqusaassasoq pillugu tusatsiakkat ingerlaarput. Tusatsiakkalli pineqartut Danmarkimi nunanut allanut ministeeriaqarfimmit imaluunniit nunami maani nunanut allanut Naalakkersuisoqarfimmit uppernarsarneqarsinnaanngillat.

Nunanut allanut Naalakkersuisoqarfik Sermitsiaq.AG-mut akissuteqarluni allappoq, Amerikami nunanut allanut ministeri Kalaallit Nunaannut tikilluaqqusaajuaannartoq, aamma Pele Brobergip sapaatip akunnerata tulliani Issittumi Siunnersuisoqatigiit Islandimi ataatsimiinneranni Antony Blinkenimik naapeqateqarnissani qilanaarigaa.

- Blinkenili piffissami qaninnermi Kalaallit Nunaannut tikissanersoq Pelep uppernarsarsinnaanngilaa, akissuteqaammi allassimaavoq.

Kingullermik Amerikamiut nunanut allanut ministeriata Kalaallit Nunaannut tikeraarnissani pilersaarutigimmagu, isumannaallisaanikkut piareersarluarsimaneq asuliinnartinneqarpoq, Mike Pompeommi tikinnissani sapaatip akunneranik sioqqullugu nalunaarutigisimavaa, tikeraarnissani taamaatiinnarlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER