Skip to main content

Amerikami aliikkusersuisartoq Kalaallit Nunaannut tikilerpoq

Amerikami Late Night Showimi aliikkusersuisartoq Conan O'Brien Kalaallit Nunaannut tikeraarnissaminik pilersaaruteqarpoq. Kalaallit Nunaat pillugu aallakaatitassiaq TV-kkut aallakaatitsivimmi TBS-imi septemberip pingajuani aallakaatinneqassaaq.

Amerikami Late Night Showimi aliikkusersuiartoq Conan O’Brien, aallakaatitassiaq ”Conan Without Borders” (”Conan nunap killiginik killeqarani”, aaqq.) aqqutigalugu Kalaallit Nunaannut tikeraarnialersaarpoq.

- Kalaallit Nunaannukartariaqarpunga isumaqatiginninniarnerlu naammassillugu, twitterimini quujasaarluni allappoq.

Nutaarsiassaqartitsivik hollywoodreporter.com taama allappoq.

USA-p præsidentiata Donald Trumpip Kalaallit Nunaat Danmarkimit pisiarisinnaanerlugu arlaleriarluni isummertareersorlu quujasaarisartoq Kalaallit Nunaannukarnissaminut pilersaarusiulerpoq.

Naalakkersuisut siulittaasuata Kim Kielsenip aamma ministeriunerup Mette Frederiksenip Kalaallit Nunaat tuniniarneqanngitsoq erseqqissareerpaat. Taassuma kingorna Donald Trump Danmarkimut tikeraarnissaagaluani kinguartippaa, qaqugumulli kinguartitsinerluni nalunaarutiginagu.

- Inuppassuit isumassarsiaq quujasaarutigereerpaat, kisianni uangaanngitsoq. Pisumi nalorninartoqarnera pissutigalugu præsidenti isumaqatigisariaqarpara, Conan O’Brien aallakaatitassiami oqalunnermini oqarpoq.

- Imaassinnaasoq isumassarsiatsialaasoq. Unnukkullu aallakaatinneqartartuni utoqqartaasut ilagimmannga, inissaminiinnerluni uanga isumaqatiginninniaruma? Quujasaarisartoq oqarpoq.

- Kalaallit Nunaammi? United Statesinut ilanngukkussi USA-p peqqinnissaqarfianut erngerlusi ilanngunneqassaasi. USA-lli peqqinnissaqarfiata aqunneqarnera pillugu google atorlugu misissuissanngilasi, Conan O'Brien ataasinngornermi unnukkut aallakaatitsinermini quujasaarluni oqarpoq.

Conan O’Brien aallakaatitsinermini neriorsuutigaa Kalaallit Nunaat issisioqqissanngitsoq, nunami “amerikamiut orsuannik” peqalissagami, orsorlu taanna quujasaarisartup nassuiaanera naapertorlugu “nunarsuarmi tamarmi orsut pitsaanersaraat”.

Aallakaatitsineq isumaqatigiinniarnissarlu quuiasuutigiinnarneqarsinnaagunarput, hollywoodreporter.com-ili naapertorlugu Kalaallit Nunaat pillugu aallakaatitassiaq TBS-ikkut septemberip pingajuani aallakaatinneqassaaq.

"Conan without borders" siornatigut Cubamit, Koreamit, Mexicomit aamma Israelimit aallakaatitassiaqareerpoq, taakkunani Conan O’Brien takornariatut quujassuartutut aallakaatitsisareerluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER