Qaanaaq
Amaqqumik pisaqartoq politiinit apersorneqarpoq
Kalaallit Nunaata ilarujussuani amaqqut eqqissisimatitaapput. Taamaattumik amaqqumik pisaqartoq politiinit apersorneqarpoq
Annonse
Amaqqut 1998-mili eqqissisimatitaapput. Tunup ilaani kisimi pisarineqarsinnaatitaapput.
Namminersornerullutik Oqartussanit taamatut maleruagassaqarpoq.
Qaanaap eqqaani piniartup Qillaq Danielsenip septembarip sisamaani amaqqumik pisaqarsimanera aalassassimaarutigineqangaatsiarpoq.
Apersorneqarpoq
Amaqqumik pisaqartoq politiinut tunniunneqarsimasoq KNR ilisimatitsivoq. Taamaattumillu Qillaq Danielsen apersorneqarluni. Amaqqut eqqissisimatitaanerat ilisimasimanagu oqarsimavoq.
Amaqqut pisarineqarsimasut arsaarinnissutigineqartartut inatsimmiippoq. Inatsimmik unioqqutitsisoq akiligassinneqartarpoq.
Illoqqortuup eqqaani Jameson Landimi, Liverpool Landimilu amaqqunik pisaqarnisssaq taamaallaat inerteqqutaanngilaq.