Aluu Airlines

Aluu Airlines bilitsit akikitsinnissaannut tunuarterpoq

Kalaallit Nunaata Danmarkillu akornanni timmisartuussinermi inissat ilaannaat 3.999 koruuninik akeqartassapput. Akissaviit tamanut saqqummiunneqarumaarput Angallannermut Aqutsisoqarfiup aningaasaqarneq akuersissutigereerpagu

Timmisartuussisalernissaq suliluunniit aallartinngitsoq Aluu Airlines selskabip akigititassaanut nutaamik nalunaaruteqarpoq.

Siullermik ingerlatsivik nalunaaruteqarpoq Nuummit Ilulissanilluunniit Københavnimut utimullu bilitsi 3.999 koruuneqassasoq, akileraarutit akitsuutillu ilanngullugit. Taamaasilluni bilitsit allaninngarnit akikinnerungaatsiassapput.

- Maannakkorpiaq ilaatigut aningaasaqarnerput Angallannermut Aqutsisoqarfimmit akuersissutigineqarnissaa utaqqivarput. Akilli taamaattut anguniagaraavut bilitsit nalinginnaasut eqqarsaatigalugit, ingerlatsiviup aningaasarsiornermi pisortaa Kuno Fencker Sermitsiaq normu 3-mi apersorneqarluni oqarpoq.

Maannali bilitsit akissaannut allaanerusumik nalunaaruteqarput.

Allaaserineqartoq Sermitsiami atuarneqarsinnaavoq. Aviisi uanni pisiariuk:

Powered by Labrador CMS