Allanngorsinnaanermik takutitsineq

Nunatta Isiginnaartitsisarfiani isiginnaartitsisunngorniartut isiginnaagassiap tullia, Angakkussaq, Nuummi takuteqqaarneqarnermi kingorna Canadami takutinneqartussaq misilimmassuk, AG-p isiginnaartuuvoq. Pikkunarmat tusagassiortup anersaartornera allanngorpoq.

Millap angakkussaq terianniarlu tupatsippai. Dina terianniaasaarpoq, kisianni napparsimammat, Salik utaqqiisaa terianniaasaarpoq.

Isiginnaartitsisartut sungiusaraangamik qanoq illartigisarnersut eqqarsaatigisaqaara. Allat pissusilersuutaat nammineq pissuserinngisat atussallugit ajornaatsuinnaasimassanngilaq. Assiliisartoq Leiff Josefsen peqatigalugu, akunnerup aappaa avillugu isiginnaartitsisunngorniat isiginnaartitsissutigineqartussaq, Angakkussaq, sungiusarmassuk taama pisoqanngilaq.

Aviisimi AG-mi tusagassiortoq allappoq.

Ilinniartut – rappertartorlu Josef Tarrak-Petrussen, isiginnaagassiamut peqataatinneqartoq – sungiusarnermi suliaminnut sungiussisimalluarput. Isiginnaartitsisarfiup avataani unillatsiarnerminni kisiat eqqissisimaarlutillu illartarput. Piumassuseqarluartut. Uanga qasseriarlunga illarsimassagaluarnerlunga naluara, kisianni isiginnaagassiami ilitsersuisoq Canadamiu Patti Shaughnessy, ilinniartoqatigiit illaqattaartarneq aqqusaareersimagaat oqarpoq.

Nunatta Isiginnaartitsisarfiani ukiup pingajussaani ilinniartut ilinniarnerminnut pimoorussinerat pikkugaa. Tassa Milla Marie Petersen, Salik Gudmundsen Lennert aamma Dina Fisker Sandgreen, AG-p pulaarnerani napparsimasoq. Angakkussap takutinneqarnissaani isiginnaartitsiartut inuusuttut siullermeerlutik isiginnaagassiamik angallassisussanngorput.

Isiginnaagassiaq maajimi Nuummi takutinneqassaaq, tamatuma kingorna Torontomi takutinneqassalluni, ’Nordic Bridges’-imut ilaasussaalluni. Kulturikkut suliniut nunani avannarlerni kulturimut naalakkersuisut aallarnisagaat, Canadami 2022 tamakkerlugu pisussaq, kulturikkut nunat avannarliit aamma Canadap akornanni avitseqatigiinnermik siuarsaasussaq.

Aviisimi AG-mi atuarnerusinnaavutit. Aviisi uani pissarsiariuk:

Powered by Labrador CMS