Skip to main content

Allanik tunillatsittoqarsimanngitsoq: Påskereerpat malittarisassat sakkukillineqarnissaat oqaluuserissavarput

Nunatsinni nakorsaaneq naapertorlugu allanik tunillatsittoqarsimanngimmat nunami tuniluunneq eqqissisimavoq. Taamaammat tuniluuttumik nappaalasoqarnerani ataatsimiititaliarsuup malittarisassat sorliit sakkukillineqarsinnaanersut påskereerpat misissorniarpai, tassa taamatut ajunngitsumik ingerlatsineq ingerlaannassappat.

Pingasunngornermi misissukkat akissutaasa 52-it tunillatsittoqarsimanngitsoq takutimmassuk, tuniluuttumik nappaalasoqarnerani ataatsimiititaliarsuup malittarisassat sorliit sakkukillineqarsinnaanersut påskemi misissorniarpai, tassa påskemi suli tuniluuttoqanngippat. Nunatsinni Nakorsaaneq Henrik L. Hansen ullormi tusagassiortunik katersortitsinermi oqarpoq.

Nunatsinni Nakorsaanerup tusagassiortunik katersortitsinermi ilisimatitsissutigaa, Nuummi tunillatsissimasunit aqqaniliusunit qulit peqqisseqqereersut, kingullerlu peqqissingajalersoq. Nun.gl naapertorlugu tunillatsissimasut taakku aqqanillit tamarmik peqqisseqqissimapput. 

- Maannakkorpiaq tuniluuttoqanngilaq. Nunamili tuniluuttoqannginnera qulakkeerlugu oqaatigisinnaanngilarput. Tunillatsinnermiit ullut 14-it ingerlasinnaapput malugisaqalernissamut, taamaammat malittarisassat arlallit sakkukillisinnagit qulakkeeqqaartariaqarparput tuniluuttoqaqqilersimannginnera, nunatsinni nakorsaaneq oqarpoq.

 Tassunga atatillugu nunatsinni nakorsaanerup kaammattuutigeqqippaa, coronavirusimut atatinneqarsinnaasumik arlaatigut ippigisaqaleraanni misissortittarnissaq.

-Killiffik apriilip 13-iani nalilersussavarput. Tassa malittarisassanik sakkukilliliisoqassappat nutaanik pinartunik pisoqaassanngilaq, nunatsinni nakorsaaneq oqarpoq.

Inassutigineqartut maliinnassavavut

Nunatsinni nakorsaanerup erseqqissaatigaa, malittarisassat sakkortuut atuutinnarneqarnissaannut tunngavissaqarluartoq, aamma maanna malittarisassaasut iluaqutaasimarpasinnerarpai.

- Suli mianersoqqusinitsinnut aamma tuniluuttumik nappaalasoqarnerani ataatsimiititaliarsuup Naalakkersuisunut suli mianersoqquteqarneranut pissutaaovq, nunarsuami suli tuniluuttoqangaatsiarnera. Maannakkorpiaq Danmarkimi peqqinnissaqarfimmit paarlattaasoqarniarnermik unammilligassaqarpugut, taamaammat suli aalajangiisuulluinartussaavoq piffissaqarnissarput aamma nunami sumiiffinni assigiinngitsuni coronavirusip siaruaatinnginnissaanik maanna kissaateqarnitsinni suut tamarmik matuneqarsimanerisa kinguneqaataannik annertuunik nalilersuiuarnissarput.

Nunatsinni nakorsaanerup tamanna ajornaatsuinnaanavianngitsoq oqaatigaa.

- Suliassaq annertuvoq oqimaallunilu, allanilli maannakkorpiaq periarfissaqanngilagut, Henrik L. Hansen oqarpoq.

Naalakkrsuisuit Siulittaasuat Kim Kielsen apriilip aqqarnani nutaanik paasissutissiiniarluni tusagassiortunik katersortitsissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER