INNUTTAASUT AMERLIPPUT

Allamiut Kalaallit Nunaanniittut amerlanerusut

Kalaallit Nunaanni kalaallit ikiliartorput, Skandinaviarmiulli amerlanerulersimapput, ingammik nunanit kiattuneersut amerlillutik. Aamma Polenimiut 50 procentimik amerlisimapput. Angutit arnalerngusaattariaqarput

mennesker

Ukiup nutaap aallartinnerani Kalaallit Nunaanni Naatsorsueqqissaartarfiup nutaarsiassaq nuanniitsoq saqqummiuppaa: Innuttaasut (januaarip aallaqqaataani 2016- imi) ukiuni 20-ni aatsaat taama ikitsigaat: 55.847.

Maannakkulli amerliartoqqilerput. Ikiliartorneq taamaatippoq.

Juulimi innuttaasut 339-nik amerlisimapput – 56.186-inut. Siorna taamaalineranut assersuutissagaanni (juulip aallaqqaataani 2015-imut) 72-inik amerlanerupput.

Atuaruk: Ineriartorneq mumippoq - innuttaasut maanna amerleriarput

Qallunaatut innuttaassusillit ikinnerusut
AG-mit kisitsisit misissorsimavagut: Kikkummita Kalaallit Nunaannut nuussimappat, kikkullu aallarsimappat?

Ataatsimut isigalugu naliliisoqarsinnaavoq ‘qallunaatut innuttaassusillit’ tassalu kalaallit, qallunaat (savalimmiormiullu) amerlanerulluarmata. Taamaallaat nunat allamiut 1.108-t Kalaallit Nunaanniipput; sinneri danskisut passeqarput, tassalu 55.078-it.

Qallunaatulli innuttaassusillit ikiliallalaarsimapput, ukiup ingerlanerani 23-nik.

Atuaruk: Innuttaasut ukiuni 20-ni aatsaat taama ikitsigisut

Filippinerit amerlanerusut
Kisitsisilli ataaseq takutissinnaanngilaat, tassalu kalaallit nuuttarnerat ingerlaannarnersoq, tamannali qallunaat suliartortut amerlassusaannik matussuserneqarluni.

Naatsorsueqqissaarnerit takutippaat Filippinerit amerliartuinnavissut.

2015-imi Filippinerit Kalaallit Nunaanniittut 158-iupput. Tamanna 2016-imi 195-inut qaffassimavoq; Filippineriniit inuit nunatsinni nunat allamiut 15 procentiisa missaraat.

Atuaruk: Kalaallit amerlassusaat eqikkiartorpoq

Allaaserisaq tamaat AG-mi saqqummertumi kingullermi atuaruk. Aviisi uani aamma pisiarisinnaavat:

Powered by Labrador CMS