Allakkat poortukkallu qaleriaatiinnartut
Tusass maannakkorpiaq sullitanit allagarsiassaminnik poortukkanilluunniit utaqqisunit saaffiginnittorpassuaqartarpoq. Tusass-imi pisortaanerup tamanna assut ajuusaarnarnerarpaa.
Allakkat poortukkallu tre tonsinik sinneqartut apuuffissaannut apuunniarnerat sapaatip-akunneri pingasut sinnerlugit kinguaattoorutigineqarsimapput.
Tamatumunnga pissutaanerpaavoq, timmisartukkut assartukkat sapaatit-akunnerini kingullerni teknikkimik silamillu peqquteqartumik apuuffissaannut apuunneqarsinnaasannginnerat, tassani ilaasussat assartuinissamut sanilliullugu salliutinneqartarsimagamik.
Tusass-imit Kalaallit Nunaanni tamarmi allakkanik isumaginnittartumit tusagassiorfitsigut nalunaaruteqarluni taamatut oqaaseqartoqarpoq.
Tusass maannakkorpiaq sullitanit allagarsiassaminnik poortukkanillu utaqqisaqartunit saaffiginnittorpassuaqartarpoq.
Pisortaaneq ajuusaartoq
Suliffeqarfimmit aaqqiissutissarsiortoqarpoq, sullitat siunissami piffissap naammaginartumik sivisussusillip iluani nassiussanik allakkanillu tigusisarnissaat anguniarlugu.
- Piffissami amerlanerit internettikkut niuerfigisartagaanni aammalu allakkat poortukkallu angallanneqarnerannik ingerlalluartumik pinissaannik pinngitsuuisinnaanngiffigisaanni, Tusassimi isumaqarpugut sullitatsinnut pitsaanerusumik iliuuseqarsinnaalluta.
Taamatut Tusass-imi Digitalikkut Niuernermut Nassiussalerinermullu pisortaq Lars Borris Pedersen oqarpoq. Taassuma pisoq ajuusaarutigilluinnarpaa, oqaatigaluguli sulisut sullitat pillugit sorsuutiginittut:
- Tamanna ajuusaarutigeqaarput, sulisugullu sullitatsinnik sorsuutiginnipput. Qaammatit kingulliit arfinillit ingerlaneranni sullitatsinnut ingerlateqqissinnaasatsinnik akissutisiniarluta nukingisaariuarsimagaluarpugut, tamannalu nunatsinni sumiiffinni tamani pisarsimavoq.
Air Greenlandi timmisartukkut allakkanik ingerlartsisartuuvoq.
Pisiniarfitsinni sullissisugut apersuutiginnittunut taamaalillutik naammaginartumik akissuteqarsinnaaneq ajorput aammalu allakkanik pilersaarutaasutut aatsisinnaasaratik.