Skip to main content

Allaffissornissaarsuaq

Namminersorlutik Oqartussat kommunillu allaffissornermut aningaasat atugaat napparsimmavinnut peqqissaavinnullu atukkanit amerlanerupput. Allaffissornerlu ukiut tamaasa annertusiartuinnarpoq. Nunarsuarmi tamarmi Kalaallit Nunaannisuulli pisortani sulisut taama amerlatiginngillat

Naalakkersuisooqatigiinnissamik isumaqatigiissuni tamarluinnarni partiit ukiorpassuarni isumaqatigiissutigisarpaat: allaffissornerup annikillisarnissaa.

Akerlerluinnaanulli ingerlavoq, AG allappoq.

Ukiut tamaasa allaffissorneq annertusiartuinnarpoq aatsaat taamak annertutigilerluni. Maanna Namminersorlutik Oqartussani kommuninilu sulisut peqqinnissaqarfimmi tamarmi sulisunit amerlanerupput.

Pisortani atorfeqartut
Sulisut tamakkiisumik atorfillit katillugit 1517-it napparsimmavinni peqqissaavinnilu sulipput. Allaffissornermili sulisut 1733-nit ikinnerunngillat – kommunini 1015-it Namminersorlutillu Oqartussani 718-it.

Kalaallit Nunaat BNP-mut sanilliullugu nunarsuarmi pisortani sulisoqarnerpaajugunarpoq allaffissorfiunerpaallunilu. Naak isumaginninnikkut ajornartorsiutit annertugaluartut inuit amerlanerusut Namminersorlutik Oqartussat allaffissorneranni sulipput ilaqutariinnut isumaginninnermullu sullissisunit 714-iusunit.

Allaffissornermi 718-iummata. Taamaattoq kommunit suliassaqarfik taanna »pappialarsornermit« pingaartinneruaat. Sineriammimi sumiiffinni inuit 1850-it ilaqutariinnut isumaginninnermullu suliassaqarfimmi sulipput - allaffissornermik suliaqartunit 800-ngajannik amerlanerusut.

Kisitsisit tamarmik 2017-imeersuupput Nunatsinnilu Naatsorsueqqissaartarfimmeerlutik.

Isorineqarpoq
Kalaallit Nunaanni Aningaasaqarnermut Siunnersuisoqatigiinni siulittaasup Aarhusip ilisimatusarfiani ilisimatuup Torben M. Andersenip allaffissornerup annertusiartuinnarnera
ernummatigilluinarpaa.

Torben M. Andersenip isornartorsiuinera aviisimi AG-mi atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER